Бори нахуст дар ҷумҳурӣ Чемпионати Тоҷикистон оид ба футбол миёни дастаҳои бонувон баргузор мегардад

Июнь 28, 2018 13:49

ДУШАНБЕ, 28.06.2018 /АМИТ «Ховар»/. 25 июни соли равон дар қароргоҳи Федератсияи футболи Тоҷикистон маросими қуръакашии Чемпионати мамлакат оид ба футбол миёни дастаҳои бонувон баргузор шуд. Дар аввалин чемпионати Тоҷикистон оид ба футбол миёни бонувон, ки 4 июл оғоз гардида, моҳи сентябр ба анҷом мерасад, 6 даста: «Зебонисо» (Душанбе), «Хатлон» (Бохтар), «Равшан» (Кӯлоб), «Суғд» (Хуҷанд), «Барқ Норак» (Норак) ва «Регар-ТадАЗ» (Турсунзода) иштирок мекунанд.

Тавре аз Кумитаи миллии олимпии Ҷумҳурии Тоҷикистон ба АМИТ «Ховар» хабар доданд, мусобиқаи мазкур дар ду марҳила баргузор шуда, ҳар даста бо ҳамдигар бозӣ мекунанд.
Дар асоси қуръакашӣ дар даври аввал «Зебонисо» бо «Бохтар», «Равшан» бо «Регар-ТадАЗ» ва «Суғд» бо «Барқ Норак» вомехӯранд.

Тавре мудири шуъбаи футболи занонаи Департаменти техникии Федератсияи футболи Тоҷикистон Дилором Нусратуллоева иброз дошт, барои иштирок дар чемпионат ҳамаи шаш даста бо либосу пойафзоли варзишӣ (ду ҷуфтӣ) ва тӯб таъмин гардиданд. Ҳамчунин ФФТ хароҷоти сафари дастаҳо ва ҳаққи хизмати доваронро пардохт мекунад.

Ба гуфтаи Дилором Нусратуллоева, чемпионати мамлакат як марҳилаи омодагии дастаи мунтахаби  занонаи кишвар ба мусобиқаҳои байналмилалӣ мебошад.

Дастаи мунтахаби занонаи кишвар оид ба футбол моҳи август дар Бозиҳои Осиё дар Ҷакарта, моҳи сентябр дастаи бонувони то 16-солаи кишвар дар марҳилаи интихобии чемпионати Осиё-2019 ва моҳи октябр дастаи бонувони то 19-солаи мамлакат дар даври интихобии марҳилаи интихобии Чемпионати Осиё-2019 ширкат хоҳанд кард.

 

Июнь 28, 2018 13:49

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад