Дар Тоҷикистон касоне, ки ба коррупсия даст мезананд, дигар бо супоридани ҷарима озод намешаванд, балки аз озодӣ маҳрум мегарданд
ДУШАНБЕ, 13.06.2018/АМИТ «Ховар»/. Ҷумҳурии Тоҷикистон муборизаро бо коррупсия тақвият бахшида, қонунҳои марбут ба ришваситониро шадидтар мегардонад. Дар ин росто вакилони палатаи поёнии Парлумони Тоҷикистон ба Кодекси ҷиноятии Ҷумҳурии Тоҷикистон тағйиру иловаҳо ворид намуданд, ки тибқи он минбаъд барои содир намудани ҷинояти гирифтани пора, додани пора ва иғвои порадиҳӣ ҷазо дар намуди маҳрум сохтан аз озодӣ татбиқ карда мешавад, яъне порагиру порадеҳ дигар бо супоридани ҷарима озод намегарданд, балки ҳабс карда мешаванд.
Масъалаи мазкурро 13 июн дар Парлумони мамлакат муовини директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Тоҳир Нурзода шарҳ дода, гуфт, ки таҷрибаи судӣ аз натиҷаи баррасиии парвандаҳои ҷиноятӣ бо моддаҳои 319-321 Кодекси ҷиноятии Ҷумҳурии Тоҷикистон дар ду соли охир нишон дод, ки ҷазои ҷиноятӣ дар намуди ҷарима барои содир намудани ҷинояти гирифтани пора, додани пора ва иғвои порадиҳӣ чораи таъсиррасонии натиҷабахш набуда, барои коҳиш додани сатҳи содиршавии чунин ҷиноятҳо назаррас намебошад.
Аз ин рӯ, бо ворид намудани тағйиру иловаҳо ба Кодекси ҷиноятии Ҷумҳурии Тоҷикистон ҷазо дар намуди ҷарима ҳамчун ҷазои асосӣ хориҷ карда шуда, барои содир кардани чунин ҷиноятҳо ҷазо дар намуди маҳрум сохтан аз озодӣ татбиқ карда мешавад.
Бояд тазаккур дод, ки ду сол муқаддам Парлумони Тоҷикистон ба Кодекси ҷиноятии Ҷумҳурии Тоҷикистон тағйиру илова ворид намуда буд, ки тибқи он шахсоне, ки ба коррупсия даст мезаданд, бо супоридани ҷарима аз ҷавобгарӣ озод мегардиданд. Акнун бо ворид намудани тағйиру иловаҳои нав ба Кодекси ҷиноятии ҷумҳурӣ афроди порагиру порадеҳро маҳрумият аз озодӣ интизор аст.
Бояд тазаккур дод, ки лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Кодекси ҷиноятии Ҷумҳурии Тоҷикистон», баъд аз ҷонибдорӣ гардидан аз сӯи аъзои палатаи болоии Парлумони мамлакат –Маҷлиси миллӣ ва имзои Президенти Ҷумҳурии Тоҷикистон амалӣ мегардад.
Дар Ёвон бахшида ба 31-солагии таъсиси Ҳизби Халқии Демократии Тоҷикистон ҳамоиши тантанавӣ доир шуд
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Ҳизби Халқии Демократии Тоҷикистон-пояи устувори мафкураи сиёсӣ дар роҳи ташаккули давлатдории миллӣ
Дар Шаҳринав бо сокинон ва соҳибкорон оид ба истифодаи самараноки неруи барқ вохӯрӣ доир шуд
Имрӯз дар баъзе ноҳияҳои Тоҷикистон туман мефарояд
Дар Душанбе бахшида ба Рӯзи ҳуқуқи инсон ҳамоиш баргузор мегардад
Комрон Кенҷаев: «Мо шабакаро дар тамоми ҳудуди Хатлон бунёд карда, муосир мегардонем»
Доир ба нақши Ҳизби Халқии Демократии Тоҷикистон дар таъмини пешрафт ва зиндагии шоистаи мардум конференсия баргузор шуд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Ба муносибати Рӯзи байналмилалии мубориза бар зидди коррупсия дар Файзобод конференсияи илмӣ доир гардид
Сафири Тоҷикистон бо муовини вазири корҳои хориҷии Арабистони Саудӣ мулоқот намуд
Имрӯз дар ноҳияҳои доманакӯҳи Тоҷикистон бориши борон ва барф дар назар аст
