Имсол тантанаҳои асосии ҷумҳуриявии Рӯзи Ваҳдати миллӣ дар шаҳри Конибодом баргузор мегарданд

Июнь 13, 2018 09:07

ХУҶАНД, 13.06.2018. /АМИТ «Ховар»/. Соли равон тибқи дастури Асосгузори cулҳу ваҳдати миллӣ-Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон тантанаҳои асосии ҷумҳуриявии  21 –солагии Рӯзи Ваҳдати миллӣ дар шаҳри Конибодом баргузор мегарданд. Бо ин мақсад имрӯзҳо дар тамоми минтақаҳои ҷумҳурӣ, аз ҷумла, шаҳру ноҳияҳои вилояти Суғд бо ифтихор аз пойдории сулҳу субот ва баҳри дар сатҳи баланд таҷлил намудани ҷашни Ваҳдати миллӣ омодагиҳо ҷараён доранд.

Тибқи нақшаи чорабиниҳои мақомоти иҷроияи ҳокимияти давлатии вилояти Суғд, охири даҳаи сеюми моҳи июн дар ҳамаи шаҳру навоҳии вилоят бо иштироки меҳмонони олимақом аз тамоми минтақаҳои кишвар вобаста ба Рӯзи Ваҳдати миллӣ барномаҳои идонаи фарҳангӣ гузаронида мешаванд.

Ба иттилои хабарнигори АМИТ «Ховар», имрӯзҳо дар шаҳри Конибодом баҳри баргузории барномаи идонаи бошукӯҳ, ки аз барномаи фарҳангии театрӣ ва намоиши дастовардҳои милливу растаҳои ҳунармандони шаҳру навоҳии вилоят иборат аст, омодагиҳо дар сатҳи зарурӣ ҷараён доранд.

Ҳамзамон бояд зикр кард, ки соли равон ба истиқболи ин санаи муборак дар шаҳри Конибодом дар рӯзҳои ид ҳашт иншооти бузург мавриди баҳрабардорӣ қарор мегиранд.

Аз ҷумла, имрӯзҳо сохтмони бинои сеошёнаи мактаби рақами 29-и деҳаи Ҷаҳонзеби Ҷамоати деҳоти Лоҳутӣ, маҷлисгоҳ барои 220 нафар, толори варзишӣ, ошхона барои 80 нафар, системаи гармидиҳии мутамарказонидашуда, гармхона ва чоҳи амудӣ, сохтмони майдони Шоҳ Исмоили Сомонӣ бо муҷассамааш, бинои дуошёнаи мақомоти прокуратураи шаҳр, таъмиру таҷдиди варзишгоҳи «Ҷавонӣ»-и марказии шаҳр, ки пас аз анҷоми корҳои навсозӣ дорои 10 ҳазор ҷойи нишаст хоҳад гардид, сохтмони меҳмонхонаи замонавӣ ва як тӯйхона аз ҷониби соҳибкорони маҳаллӣ, ба истифодадиҳии Маркази ҷарроҳӣ ва нуқтаи қабули хатти оби нӯшокии идораи обу корез ва таҷдиду навсозии роҳи нақлиётгарди Конибодом – Патар идома дорад.

Инчунин ба истиқболи ин ҷашн чанде пеш бо иштироки раиси вилояти Суғд корҳои таъмиру мумфаршкунии роҳҳои асосии шаҳр ба дарозии умумии беш аз 3 километр оғоз гардиданд.

Июнь 13, 2018 09:07

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб