Маҳаллаи «Ҳосилот»-и Душанбе соҳиби майдони варзишӣ гардид
ДУШАНБЕ, 18.06.2018 /АМИТ «Ховар»/. Дар назди хонаи истиқоматии №206-и маҳаллаи «Ҳосилот»-и ноҳияи Фирдавсии шаҳри Душанбе аз ҷониби Вазорати нақлиёти Ҷумҳурии Тоҷикистон майдони варзишӣ бунёд гардид. Дар маросими ба истифода додани он муовини Вазири нақлиёти мамлакат Шералӣ Ганҷалзода, муовини Раиси шаҳри Душанбе Фирдавс Саидзода ва раиси ноҳияи Фирдавсии шаҳри Душанбе Ҷамшед Табарзода иштирок намуданд.
Аз Вазорати нақлиёти Ҷумҳурии Тоҷикистон ба АМИТ «Ховар» иттилоъ доданд, ки майдони варзишӣ дар масоҳати умумии 2400 метри мураббаъ бунёд гардида, дорои майдончаи умумии бозии кӯдакон, майдончаҳо барои бозии футболи хурд, баскетбол, волейбол, арғунчакҳо, таҷҳизоти гимнастикӣ, соябонҳо ва мизҳои шоҳмотбозӣ мебошад. Дар ҳудуди майдони варзишӣ дарахтони ороишӣ ва мевадиҳанда шинонида шуда, атрофи он бо гулу буттаҳо сабзкорӣ гардидааст. Ҳамзамон майдони варзишӣ бо обу равшанӣ ва камераҳои мушоҳидавӣ таъмин мебошад.
Бояд тазаккур дод, ки лоиҳаи иншооти мазкур аз ҷониби Корхонаи фаръии «Лоиҳакаш»-и шаҳри Душанбе бо арзиши 798,6 ҳазор сомонӣ таҳия гардида, сохтмонашро Ҷамъияти дорои масъулияти маҳдуди «Мостоотряд» бо сифати баланд ба анҷом расонидааст.
Тибқи иттилои манбаъ, Вазорати нақлиёт ҳамчунин роҳи ба иншоот барандаи маҳаллаи Ҳосилотро дар масоҳати беш аз 1000 метри мураббаъ мумфарш намудааст.
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
