Рушди неруи зеҳнӣ ва истифодаи самараноки он-омили муҳим барои ҳифзу нигаҳдошти манфиатҳои миллӣ
ДУШАНБЕ, 08.06.2018 /АМИТ «Ховар»/. «Роҳҳои расидан ба муваффақияти касбӣ»- таҳти чунин унвон имрӯз дар Кохи афсарони шаҳри Душанбе Форуми байналмилалии рушди сармояи инсонӣ баргузор гардид.
Тавре хабарнигори АМИТ «Ховар» хабар медиҳад, дар кори форум муовини Вазири меҳнат, муҳоҷират ва шуғли аҳолӣ Абдусалом Мирзозода, муовини якуми раиси Кумитаи рушди сайёҳии мамлакат Ҳабибулло Амирбекзода, муовини раиси Кумитаи кор бо занон ва оилаи назди Ҳукумати Ҷумҳурии Тоҷикистон Зулфия Давлатзода, мушовири Раёсати Вазорати корҳои хориҷии Ҷумҳурии Тоҷикистон Абдуғаффор Камолов, коршиносони соҳаҳои гуногун, олимону муҳаққиқон ва ҷавонони фаъоли вазорату идораҳо иштирок доштанд.
Дар доираи Форум ярмаркаи соҳавии ҷойҳои корӣ барои корҷӯён, намоиши ҳунарҳои мардумӣ аз тарафи ташкилотҳои марбута, ширкатҳои сайёҳӣ ва намоиши имкониятҳои таҳсил дар муассисаҳои таҳсилоти олии мамлакат доир гардид.
Муовини аввали раиси Кумитаи кор бо ҷавонон ва варзиши назди Ҳукумати ҷумҳурӣ Ризо Назарзода зикр намуд, ки рушди неруи зеҳнӣ ва истифодаи самараноки он яке аз омилҳои муҳим барои ҳифзу нигаҳдошти манфиатҳои миллӣ ба шумор меравад.
«Дар замони муосир, ки амиқшавии нобаробарии кишварҳо зуҳур карда, шиддати таҳдиду хатарҳои пайваста таҳти таъсири рӯзафзуни равандҳои ҷаҳонишавӣ аҳли сайёраро ба ташвиш овардааст, маҳз рушди неруи зеҳнӣ ва истифодаи самараноки он яке аз омилҳои муҳим барои ҳифзу нигоҳдошти манфиатҳои миллӣ ба ҳисоб меравад. Маҳз сиёсати ҷавонпарварона ва хирадмандонаи Пешвои миллат Эмомалӣ Раҳмон дар самти дастгирии ҷавонони кишвар, роҳ додани онҳо ба майдонҳои сиёсиву иҷтимоӣ, фарҳангӣ, ғамхориву дастгириҳои пайваста имрӯз набзи зиндагии кишвар гардидааст»,-афзуд Р.Назарзода.
Зикр карда шуд, ки ҳадафи Форум, пеш аз ҳама, тақвият ва рушди малакаҳои касбии ҷавонон дар самти шуғлнокӣ ва интихоби касби муосир вобаста ба талаботи бозори меҳнат, таҳсилоти олӣ дар дохил ва хориҷи кишвар, машғул гардидан ба тиҷорат бо тарз ва усули нав дар ҷаҳони муосир мебошад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
