Санадҳои ниҳоӣ ва иқдомҳои минбаъдаи Конференсияи байналмилалии сатҳи баланд баррасӣ шуданд
ДУШАНБЕ, 18.06.2018 /АМИТ «Ховар»/. Нимаи дуюми имрӯз дар шаҳри Душанбе ҷаласаи сеюми Кумитаи байналмилалии ҳидояткунандаи Конференсияи байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 баргузор гардид. Мухбири АМИТ «Ховар» аз меҳмонхонаи «Сирена» иттилоъ дод, ки дар ҷаласаи мазкур Вазири корҳои хориҷии мамлакат Сироҷиддин Мӯҳриддин, муовини Дабири кулли Созмони Милали Муттаҳид Лю Чженмин, сармутахассиси Бонки ҷаҳонӣ оид ба масъалаҳои об Кристина Леб, аъзои Кумитаи байналмилалии ҳидояткунанда ва намояндагони як зумра созмонҳои байналмилалӣ иштирок намуданд.
Вазири корҳои хориҷии Тоҷикистон С. Мӯҳриддин вобаста ба фаъолияти Кумитаи тадорукоти миллӣ оид ба баргузор намудани Конференсияи байналмилалии сатҳи баланд вобаста ба Даҳсолаи байналмилалии амал «Об барои рушди устувор», омодагиҳо ҷиҳати баргузор намудани ин чорабинии муҳим ва дастгирии амалии Кумитаи байналмилалии ҳидояткунанда иттилоъ дод.
Ҳадафҳои Кумитаи байналмилалии ҳидояткунанда ҷалби бештари тарафҳои ҳавасманд дар марҳилаи омодагӣ, ба назар гирифтани пешниҳодоти онҳо дар марҳалаи қабули қарор, ҳамоҳангсозии чорабиниҳои дигари байналмилалӣ бо Конференсияи мазкур маънидод карда шуд. Дар ҷаласа зикр карда шуд, ки бо дарназардошти барномаи васеи Конференсияи мазкур ва сатҳу доираи ширкаткунандагони он Кумита ба ҳадафҳои худ ноил гардидааст. Дар ҷаласаи имрӯза асосан санадҳои ниҳоии Конференсия ва иқдомҳои минбаъдаи он баррасӣ карда шуданд.
Хотирнишон мекунем, ки Конференсияи байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 20 июни соли 2018 дар шаҳри Душанбе расман ба кори худ шурӯъ мекунад.
Дар назар дошта шудааст, ки дар Конференсияи мазкур намояндагони зиёда аз 110 мамлакати ҷаҳон иштирок кунанд.
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
