«Сомон эйр» дар Соли рушди сайёҳӣ аз Душанбе ба Анталия хатсайр мекушояд
ДУШАНБЕ, 11.06.2018/АМИТ «Ховар»/. Ширкати ҳавонавардии «Сомон Эйр» дар Соли рушди сайёҳӣ ва ҳунарҳои мардумӣ ҷуғрофиёи парвозҳояшро фарох гардонида, шурӯъ аз якуми июли соли равон дар хатсайри Душанбе -Анталия (Туркия) парвозҳои чартерӣ оғоз менамояд. Фармоишгари хатсайри мазкур ширкати сайёҳии «Компас» буда, намояндаи ширкати мазкур дар бозори сайёҳӣ — ҶДММ «Transavia Express» мебошад. Парвозҳо дар масири Душанбе-Анталия дар даҳ рӯз як маротиба анҷом дода мешаванд.
Аз ширкати ҳавонавардии «Сомон Эйр» ба АМИТ «Ховар» иттилоъ доданд, ки парвозҳо дар хатсайри Душанбе- Анталия дар ҳавопаймоҳои Боинг 737-800 ва 900 амалӣ хоҳанд гашт. Парвоз аз Душанбе ба Анталия 5 соат тӯл кашида, самти бозгашт ба Душанбе 4 соату 40 дақиқаро ташкил медиҳад.
Тибқи иттилои манбаъ, аз моҳи майи соли равон ширкати ҳавопаймоии «Сомон Эйр» парвозҳоро дар самти Душанбе-Истанбул дар як ҳафта се маротиба – рӯзҳои сешанбе, ҷумъа ва якшанбе зиёд карда, ҳамчунин вақти парвозро тағйир дод.
Ба хотири роҳати мусофирон аз 18 май вақтҳои парвоз аз Душанбе ва аз Истанбул тағйир дода шуданд. Акнун вақти парвоз аз Душанбе соати 05:30 ва аз Истанбул ба Душанбе соати 21:30 ба вақти маҳаллӣ муқаррар шуд.
Ҷадвали мазкур ба мусофирони тоҷир имкон медиҳад, ки субҳ ба Истанбул парвоз намуда, як рӯзашонро ба манфиат гузаронанд ва субҳи дигар боз ба Душанбе баргарданд. Дӯстдорони саёҳат имкон доранд рӯзҳои истироҳатиро истифода намуда, дар муддати 3 рӯз манзараҳои зебои Истанбулро тамошо кунанд ва ба Душанбе дар рӯзи аввали ҳафтаи корӣ баргарданд.
Алҳол ширкати ҳавопаймоии «Сомон Эйр», ки тирамоҳи соли гузашта аъзои ИАТА гашт, парвозҳоро аз Тоҷикистон ба Германия, Амороти Муттаҳидаи Араб, Туркия, Чин, Россия ва Қазоқистон муваффақона иҷро менамояд.
Парки ширкати ҳавопаймоӣ аз ҳавопаймоҳои Боинг 737-300, -800 ва -900 иборат мебошад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
