«75 нафар занону духтарони бешуғл бо ҳунаромӯзӣ фаро гирифта шуданд»- бардошт аз нишасти матбуотии ноҳияи Шоҳмансур

Июль 25, 2018 15:08

ДУШАНБЕ, 25.07.2018 /АМИТ «Ховар»/. Дар мақомоти иҷроияи ҳокимияти давлатии  ноҳияи Шоҳмансури шаҳри Душанбе имрӯз доир ба ҷамъбасти натиҷаҳои фаъолияти ин мақомот  дар шашмоҳаи аввали   соли 2018 нишасти матбуотӣ доир шуд.

Нишасти хабарӣ бо ҳисоботи раиси ноҳия  Низом  Ҳакимзода  оғоз гардида, зимни пешниҳоди он, аз ҷумла,  зикр шуд, ки   дар давраи ҳисоботӣ қисми даромади   буҷети ноҳия  104,8  фоиз  иҷро  гардид.

Номбурда иброз дошт, ки  корхонаҳои саноатии ноҳия  бо назардошти бахши  ғайридавлатӣ дар ҳаҷми 123, 3 миллион  сомонӣ  маҳсулот истеҳсол намуданд, ки дар муқоиса ба ҳамин давраи соли 2017   —  4, 9 миллион сомонӣ зиёд мебошад, яъне он  104,2 фоизро ташкил медиҳад (бо индекси нархҳои истеҳсолӣ 100,0%). Аз  91 адад корхонаҳои саноатии ноҳия     36 адади онҳо  ҳаҷми истеҳсолотро нисбат ба ҳамин давраи соли гузашта  110 фоиз   зиёд таъмин намуданд.

Н. Ҳакимзода ҳамчунин ба хабарнигорон иттилоъ дод, ки   бахшида ба  Соли рушди сайёҳӣ ва ҳунарҳои мардумӣ  дар ноҳия  5 маркази касбомӯзӣ  — дар  маҳаллаи  Дӯстии халқҳо  «Маркази  омӯзиши  ҳунарҳои  қолинбофӣ ва адрасбофӣ» барои 20 нафар,  маҳаллаи Камоли Хуҷандӣ «Маркази омӯзиши ҳунарҳои  сӯзанӣ ва попурдӯзӣ»  барои 20 нафар,  дар маҳаллаи «Ховарон»  «Маркази пухту пази маҳсулоти нонӣ»   барои 10 нафар,  инчунин «Маркази омӯзиши маҳсулоти   қаннодӣ»  ва «Маркази ҳунарҳои мардумии маҳаллаҳои 192-193»  таъсис дода шуданд, ки дар онҳо 75 нафар занону духтарони бешуғл  ба ҳунаромӯзӣ  фаро гирифта  шуданд.

«Айни замон корҳо дар самти ташкили марказҳои омӯзиши ҳунарҳои сӯзанидӯзӣ, бофандагӣ, ҷомадӯзӣ, кӯрпачадӯзӣ, зардӯзӣ, нонпазӣ, қаннодӣ ва дигар ҳунарҳои мардумӣ идома дошта, кӯшиш менамоем, ки сафи занону духтарони ҳунарманду кадбонуро дар ноҳия афзоем ва ба ин васила онҳоро бо ҷойи кори доимӣ таъмин намоем», — афзуд  Н. Ҳакимзода 

Июль 25, 2018 15:08

Хабарҳои дигари ин бахш

Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид