АГЕНТИИ ОБУҲАВОШИНОСӢ: аз 8 то 10 июл дар Тоҷикистон ҳарорат баланд мешавад
ДУШАНБЕ, 07.07.2018 /АМИТ «Ховар»/. Шурӯъ аз 8 то 10 июл дар ҷумҳурӣ, ба истиснои Вилояти Мухтори Кӯҳистони Бадахшон бо сабаби ворид шудани ҳавои гарм аз Эрон тавассути ҳудуди Туркманистон, Ӯзбекистон ва шимоли Афғонистон гармшавии ҳаво дар назар аст.
Дар ин бора имрӯз ба мухбири АМИТ «Ховар» сардори шуъбаи пешгӯии боду ҳавои Агентии обуҳавошиносии Тоҷикистон Фаридун Ахмедов хабар дод.
Ба иттилои манбаъ, рӯзона гармии ҳаво дар Вилояти Хатлон ва Суғд 43 дараҷа, дар ноҳияҳои тобеи марказ 40 ва дар ноҳияҳои кӯҳии вилояти Суғд ва ғарби Вилояти Мухтори Кӯҳистони Бадахшон ба 30 дараҷа мерасад.
Имрӯз дар вилояти Суғд ҳаво қисман абрноки тағйирёбанда шуда, дар водиҳо шабона +19+24 ва рӯзона +37+42 дараҷа гарм мешавад. Дар Вилояти Мухтори Кӯҳистони Бадахшон ҳаво боронӣ гашта, шабона +12+17 ва рӯзона +26+31 дараҷа гарм мешавад.
Дар вилояти Хатлон ҳаво камабри тағйирёбанда шуда, вазиши сахти шамол то 12-17 метр дар як сония мерасад. Ҳаво дар водиҳо шабона +21+26 ва рӯзона +37 + 42 дараҷа гарм хоҳад шуд.
Дар шаҳру ноҳияҳои тобеи марказ ҳаво тағйирёбанда шуда, дар шаҳри Душанбе софу беғубор мешавад. Ҳаво шабона 18+20 ва рӯзона +37+39 дараҷа гарм мешавад.
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
