Ҳайати дастгоҳи Раёсати аудити миллии Чин бо ҳамкасбони тоҷики худ масъалаи тавсеаи ҳамкориро баррасӣ намуд
ДУШАНБЕ, 03.07.2018/АМИТ «Ховар»/. Ҳайати расмии дастгоҳи Раёсати аудити миллии Ҷумҳурии Мардумии Чин таҳти роҳбарии Хю Зеҷун зимни сафар ба Ҷумҳурии Тоҷикистон, ки аз 1 то 3 июл идома ёфт, аз Палатаи ҳисоби Ҷумҳурии Тоҷикистон боздид намуда, бо роҳбарият ва кормандони мақоми олии назорати молиявии Ҷумҳурии Тоҷикистон мулоқот анҷом дод.
Дар мулоқот раиси Палатаи ҳисоби Ҷумҳурии Тоҷикистон Қарахон Чиллазода ба сатҳи ҳамкории дуҷонибаи мақомоти марбутаи ду кишвари ҳамҷавор- Тоҷикистон ва Чин баҳои баланд дода, изҳори қаноатмандӣ намуд.
Аз Палатаи ҳисоби Ҷумҳурии Тоҷикистон ба АМИТ «Ховар» иттилоъ доданд, ки дар мулоқот ҷонибҳо масъалаҳои ҳамкории дуҷонибаро дар доираи Ёддошти тафоҳум оид ба фаъолияти аудиторӣ дар бахши давлатӣ байни Палатаи ҳисоби Ҷумҳурии Тоҷикистон ва Раёсати аудити миллии Ҷумҳурии Мардумии Чин баррасӣ намуданд.
Бояд тазаккур дод, ки санади мазкур дар доираи сафари давлатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Мардумии Чин моҳи августи соли 2017 ба имзо расид ва барои фаъолияти пурсамари аудитории тарафҳо заминаи ҳуқуқӣ гузошт. Ҷонибҳо ба хулоса расиданд, ки чунин машваратҳои кории дуҷониба мунтазам сурат гиранд, зеро дар ҷараёни ин мулоқотҳо масъалаҳои муҳими ҳамкории тарафайн муҳокима шуда, барои тақвияти робитаҳо мусоидат менамоянд.
Мавриди зикр аст, ки Палатаи ҳисоби Ҷумҳурии Тоҷикистон ва Раёсати аудити миллии Ҷумҳурии Мардумии Чин аъзои созмонҳои бонуфузи байналмилалӣ, назири ИНТОСАЙ, АСОСАЙ ва Шӯрои роҳбарони Мақоми олии аудити давлатҳои аъзои Созмони ҳамкории Шанхай мебошанд.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
