Дар ноҳияи Синои шаҳри Душанбе содиршавии ҷиноят аз тарафи ноболиғон дар муқоиса ба ҳамин давраи соли гузашта зиёд шудааст
ДУШАНБЕ, 25.07.2018 /АМИТ «Ховар»/. Дар шаш моҳи соли 2018 дар ноҳия 938 ҷиноят ба қайд гирифта шудааст, ки нисбат ба ҳамин давраи соли 2017 66 ҷиноят зиёд мебошад. Аз ин миқдор 79 ҷиноят аз тарафи ноболиғон содир гардидааст, ки дар муқоиса ба ҳамин давраи соли 2017 60 ҷиноят зиёд мебошад. Ин нуктаро раиси ноҳияи Синои шаҳри Душанбе Нусратулло Салимзода зимни пешниҳоди ҳисобот дар нишасти матбуотие, ки имрӯз дар мақомоти мазкур доир гардид, иброз дошт.
Раиси ноҳия доир ба вазъи иқтисодию иҷтимоии ноҳия дар давраи ҳисоботӣ маълумот дода, аз ҷумла, зикр кард, ки дар ҳудуди ноҳия 159 корхонаҳои саноатӣ мавҷуданд. Дар ин давра 74 адади онҳо ҳаҷми истеҳсолотро зиёд намуда, 41 адади дигари он ҳаҷми маҳсулотро нисбат ба ҳамин давраи соли 2017 ба маблағи 11, 7 миллион сомонӣ кам кардаанд ва 39 адад корхонаҳо умуман фаъолият надоштанд.
Н. Салимзода ҳамчунин иттилоъ дод, ки дар давраи ҳисоботӣ 35 коргоҳҳои ҳунарҳои мардумӣ ва дар ин замина 267 ҷойҳои нави корӣ таъсис дода шудаанд ва дар ин самт корҳо идома доранд.
Дар нишасти хабарӣ ҳамчунин зикр гардид, ки барои қабули неруи гармӣ соли равон 850 адад биною иншоот ба нақша гирифта шудааст. Аз ин миқдор 756 ададро биноҳои истиқоматӣ, 56 ададро муассисаҳои таълимӣ, 14 ададро муассисаҳои тандурустӣ ва 24 ададро дигар муассисаҳои дигари ноҳия ташкил медиҳанд.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
