Миёни Коллеҷи техникии Донишгоҳи техникии Тоҷикистон ва Коллеҷи политехникии Рязан созишнома ба имзо расид
ДУШАНБЕ, 19.07.2018 /АМИТ «Ховар»/. Дирӯз дар Душанбе миёни Коллеҷи техникии Донишгоҳи техникии Тоҷикистон ба номи академик М.Осимӣ ва Муассисаи давлатии буҷавии таълимӣ—касбии Коллеҷи политехникии Рязан оид ба омодасозии мутахассисон барои Ҷумҳурии Тоҷикистон маросими баимзорасии созишнома баргузор гардид.
Тавре аз Вазорати маориф ва илми Ҷумҳурии Тоҷикистон ба мухбири АМИТ «Ховар» хабар доданд, дар маросими баимзорасии созишномаи мазкур муовини якуми Вазири маориф ва илми кишвар Раҳматулло Мирбобоев, намояндагони сардорони раёсатҳои ин ниҳод, намояндагони Коллеҷи техникии Донишгоҳи техникии Тоҷикистон ба номи академик М.Осимӣ, инчунин сардори раёсати Вазорати маориф ва сиёсати ҷавонони вилояти Рязан Александр Лошинин, ҳамоҳангсози барномаи «Россотрудничества» Никита Биховский, муовини директор оид ба соҳаи таълимӣ-истеҳсолии Коллеҷи политехникии Рязан Владимир Мантсев ва дигар меҳмонони расмӣ ширкат варзиданд.
Зимни мулоқот сардори раёсати Вазорати маориф ва сиёсати ҷавонони вилояти Рязан Александр Лошинин иброз намуд, ки муассисаҳои таълимии вилояти Рязан дар самти маориф мутахассисони хуб омода месозанд ва шароити таҳсил дар онҳо хуб ба роҳ монда шудааст.
Намояндаи Коллеҷи политехникии Рязан Владимир Мантсев дастовардҳои муассисаро вобаста ба шароити таҳсил тавассути наворҳо муаррифӣ намуд.
Дар охир маросими баимзорасии созишнома байни Коллеҷи техникии Донишгоҳи техникии Тоҷикистон ба номи академик М.Осимӣ ва Муассисаи давлатии буҷавии таълимӣ-касбии Коллеҷи политехникии Рязан оид ба ҳамкориҳои дуҷониба дар самти омодасозии мутахассисон, табодули таҷриба, такмили ихтисос, фаъолияти илмӣ-тадқиқотӣ ва ширкат дар иҷрои лоиҳаҳо ва барномаҳои минтақавӣ ва грантҳои байналхалқӣ баргузор гардид.
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
