Саноатчиёни тоҷик дар Корея таҷриба меомӯзанд
ДУШАНБЕ, 18.07.2018 /АМИТ «Ховар»/. Дар шаҳри Дегуи Ҷумҳурии Корея аввалин нишасти Тоҷикистону Корея оид ба саноати сабук баргузор гардид. Сухан аз ривоҷи ҳамкориҳо дар самти бофандагӣ ва рангубори матоъҳо рафт.
Дар ин бора ба хабарнигори АМИТ «Ховар» сардори Раёсати саноати сабук ва пиллаи Вазорати саноат ва технологияҳои нави ҷумҳурӣ Шаҳзода Қаюмова, ки дар нишаст иштирок дошт, хабар дод.
Тибқи иттилои номбурда, дар нишасти мазкур намояндагони Вазорати саноат ва технологияҳои нави Ҷумҳурии Тоҷикистон, масъулини Сафорати Ҷумҳурии Тоҷикистон дар Ҷумҳурии Корея, роҳбарони як қатор корхонаҳои соҳаи саноати сабуки кишвар ва намояндагони Донишгоҳи рангуборкунӣ ва технологияи ороишии Ҷумҳурии Корея (DYETEC) иштирок намуданд.
Дар нишаст масъалаҳои марбут ба густариши ҳамкорӣ дар соҳаи саноати сабук, рангуборкунӣ, истеҳсоли матоъ, имкониятҳои сармоягузорӣ ва дигар мавзӯъҳои барои тарафайн афзалиятнок мавриди муҳокима қарор гирифтанд. Ҳамзамон иштирокдорон дар ҷараёни нишаст аз корхонаҳои соҳаи саноати сабуки Ҷумҳурии Корея боздид намуданд.
Бояд зикр кард, ки Донишгоҳи рангуборкунӣ ва технологияи ороишии Ҷумҳурии Корея (DYETEC) дар самти тадқиқот, омода кардани лоиҳаҳои бофандагию рангуборкунӣ, технология ва ташхиси матоъ таҷрибаи бой дошта, густариши ҳамкорӣ бо муассисаи мазкур барои рушди соҳаи рангубори мамлакат заминаи мусоид фароҳам меорад.
Соҳибкорону сокинон дар корҳои ободонии ноҳияи Рӯдакӣ ба маблағи беш аз 21 миллион сомонӣ саҳм гузоштаанд
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
