Вазирони корҳои хориҷии Тоҷикистону Қирғизистон дар шаҳри Чолпон-Ато мулоқот намуданд
ДУШАНБЕ, 23.07.2018 /АМИТ «Ховар»/. Дар ҳошияи вохӯрии машваратии вазирони корҳои хориҷии Осиёи Марказӣ дар шаҳри Чолпон-Ато Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Қирғизистон Эрлан Абдилдаев 21 июл мулоқот намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар ҷараёни вохӯрӣ маҷмӯи масъалаҳои мубрами муносибатҳои дуҷониба, дурнамои рушди минбаъдаи ҳамкории сиёсӣ, тиҷоративу иқтисодӣ ва фарҳангӣ-гуманитарӣ мавриди баррасӣ қарор гирифтанд. Инчунин мубодилаи афкор оид ба ҳамкорӣ дар соҳаи мубориза бар зидди терроризму экстремизм, суръат бахшидан ба раванди делимитатсияи сарҳад, ҳалли масъалаҳои обу энергетикӣ, масъалаҳои ҳамкорӣ дар чаҳорчӯбаи созмонҳои минтақавӣ ва байналмилалӣ сурат гирифт.
Зимни мулоқот вазирони корҳои хориҷии ду кишвар татбиқ намудани созишҳоеро, ки зимни сафари Президенти Ҷумҳурии Қирғизистон Сооронбой Жээнбеков ба Ҷумҳурии Тоҷикистон моҳи феврали соли 2018 ба даст омада буданд, таъкид намуданд.
Зикр гардид, ки рушди ҳамкории дуҷониба самти афзалиятноки сиёсати хориҷии ду кишвар боқӣ мемонад.
Зимни вохӯрӣ изҳори боварӣ карда шуд, ки муносибатҳои дӯстонаи Тоҷикистону Қирғизистон минбаъд низ барои тавсеаи ҳамкории мутақобилан судманди ду кишвар хизмат хоҳанд кард.
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
