Бонки миллии Тоҷикистон ба «Юнистрим», «Золотая корона» ва «Сontact» иҷозати фаъолияти сесола дод
ДУШАНБЕ, 31.08.2018. /АМИТ «Ховар»/. Се оператори низоми пардохтии бонкӣ барои фаъолияти сесола аз ҷониби Бонки миллии Тоҷикистон иҷозатнома ба даст оварданд. Иҷозатномаҳои мазкур бо қарори Раёсати Бонки миллии Тоҷикистон (БМТ) аз 30 августи соли равон ба Ҷамъияти саҳҳомии бонки тиҷоратии «Юнистрим», Ташкилоти қарзии ғайрибонкии ҳисоббаробаркунии «Платежный Центр» ва Ҷамъияти саҳҳомии «Киви Бонк» дода шуд.
Тавре ба мухбири АМИТ «Ховар» аз Бонки миллӣ хабар доданд, идораи низоми пардохтҳо вазифадор гардид, ки дар Феҳристи операторони низоми пардохтӣ сабти дахлдор ворид намояд.
Бояд гуфт, ки феълан низоми пардохтии байналмилалии интиқоли маблағҳои «Юнистрим» дар қаламрави Ҷумҳурии Тоҷикистон хизматрасонии интиқоли маблағҳоро тавассути 13 ташкилоти қарзии ватанӣ пешниҳод менамояд.
Низоми пардохтии «Золотая корона» бошад ба феҳрасти низомҳои пардохтии дорои аҳамияти иҷтимоидоштаи Россия ва Қазоқистон дохил карда шуда, тавассути зиёда аз 550 бонк ва ширкатҳои Россия, кишварҳои ИДМ ва дигар давлатҳои хориҷӣ хизматрасонӣ менамояд.
Дар қаламрави Ҷумҳурии Тоҷикистон ТҚҒҲ «Платежный Центр» хизматрасонии интиқоли маблағҳоро дар асоси шартнома бо 25 ташкилоти қарзии ватанӣ пешниҳод намуда, дар бозори хизматрасонии интиқоли маблағҳо мавқеи аввалро ишғол менамояд.
Инчунин низоми пардохтии «Contact» дар баробари хизматрасонии интиқоли маблағҳои пулӣ бе кушодани суратҳисобҳо имконият медиҳад, ки маблағҳои пулиро инчунин ба суратҳисобҳо, кортҳои пардохтии бонкии низомҳои пардохтии байналмилалии VISA, Masterсard, Мир, UnionPay, American Express, Diners Club International, низомҳои пардохтии миллии давлатҳои хориҷи наздик интиқол намоянд. Низоми пардохтии «Contact» дар қаламрави Ҷумҳурии Тоҷикистон хизматрасонии интиқоли маблағҳоро тавассути 19 ташкилоти қарзии ватанӣ пешниҳод менамояд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
