«ХУШ КЕЛИБСИЗ, АЗИЗ ДӮСТЛАР!». Ҳайати ҳунармандони Тоҷикистон иборат аз 170 нафар вориди Тошканд гардид
ДУШАНБЕ, 15.08.2018./АМИТ «Ховар»/. Имрӯз ҳайати ҳунармандони Тоҷикистон, ки дар чаҳорчӯби сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ӯзбекистон дар пойтахти ин кишвари ҳамсоя ҳунарнамоӣ мекунанд, вориди шаҳри Тошканд гардид. Онҳоро бо садои дафу дойра, карнаю сурнай ва нидоҳои «Хуш келибсиз, азиз дӯстлар!» истиқбол намуданд.
Тавре ба АМИТ «Ховар» аз Вазорати фарҳанги ҶТ хабар доданд, ҳайати мазкур аз 170 нафар ҳунармандон иборат аст. Аз ҷумла, ба ин ҳайат Хунарпешаҳои халқии Тоҷикистон, дорандаи Ҷоизаи давлатии Тоҷикистон ба номи Абӯабдулло Рӯдакӣ Саидқул Билолов, Давлатманд Холов, Адҳам Холиқов, сарояндагони ҷавону шинохтаи мамлакат, роҳбари бадеии ансамбли эстрадии «Ориё»-и Кумитаи телевизион ва радиои назди Ҳукумати ҶТ Муҳаммадрофӣ Кароматулло, Таҳмина Ниёзова ва дигарон шомиланд.
Барномаи «Шоми дӯстӣ» 17 август дар Кохи «Ӯзбекистон»-и Тошканд сурат мегирад.
«Ҳайати ҳунарӣ дар чор автобус аз Душанбе ба шаҳри Хуҷанд рафта, аз он ҷо тавассути гузаргоҳи сарҳадии Ойбек ба шаҳри Тошканди Ҷумҳурии Ӯзбекистон раҳсипор гардиданд»,- гуфтанд ба хабарнигори АМИТ «Ховар» дар Вазорати фарҳанги Тоҷикистон.
Ёдовар мешавем, ки «Шоми дӯстӣ» барномаи консертие буд, ки бори аввал дар чаҳорчӯби нахустин сафари давлатии Президенти Ҷумҳурии Ӯзбекистон Шавкат Мирзиёев моҳи марти соли ҷорӣ дар Кохи Борбади шаҳри Душанбе бо ширкати шумораи зиёди ҳунармандони Тоҷикистон ва Ӯзбекистон баргузор шуда буд.
Президенти Ҷумҳурии Тоҷикистон Эмомалӣ Раҳмон 17 август бо сафари дурӯза вориди Тошканд мешаванд. Ин ҳам нахустин сафари давлатии Президенти Ҷумҳурии Тоҷикистон ба кишвари дӯсту ҳамсоя хоҳад буд.
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
