Изҳороти Ҳизби Халқии Демократии Тоҷикистон вобаста ба куштори сайёҳони хориҷӣ
ДУШАНБЕ, 01.08.2018. /АМИТ «Ховар»/. Имрӯз Ҳизби Халқии Демократии Тоҷикистон дар иртибот ба куштори даҳшатноки сайёҳони хориҷӣ аз ҷониби ҷинояткорон изҳорот пахш намуд. Дар он гуфта мешавад:
Ҳизби Халқии Демократии Тоҷикистон амали ваҳшиёна ва террористии гурӯҳи муташаккили ҷинояткорро, ки ба марги 4 нафар сайёҳи хориҷӣ боис гашт, қотеъона маҳкум карда, зимнан ба наздикону пайвандони сайёҳон изҳори ҳамдардӣ менамояд.
Тибқи маълумоти Вазорати корҳои дохилӣ, ин ҳодисаи фоҷеабор, ки дар навбати аввал ба садама шабоҳат дорад, аз тарафи як гурӯҳи калони ҷавонони тундрав ва ифротӣ ба хотири халалдор кардани амнияту суботи Тоҷикистон махсус ва барқасдонатарҳрезӣ шудааст.
Тоҷикон дар ҳама давру замонҳо дар осоишу оромиш ва бо ҳамсояҳо дар ҳусни ҳамҷавории неку мусолиматомез зиндагӣ карда, ҳамеша аз сулҳу субот ва оромиву осоиш пуштибонӣ намудаанд, ки ин асл яке аз маромномаҳои асосии сиёсати хирадмандона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон мебошад. Ҳамин аст, ки имрӯз дар кишвари мо осмони софу беғубор ва кабӯтарони сафеди сулҳ паруболафшонӣ мекунанд.
Вале ин зархаридони хориҷӣ бо содир кардани нангинтарин амал –куштори одам мехостанд ба оромиву амнияти саросарии мамлакати мо халал ворид намоянд ва ҳадафҳои нопоку ғаразолуди худро дар Тоҷикистон амалӣ созанд. Хусусан, ки имсол Соли рушди сайёҳӣ ва ҳунарҳои мардумӣ эълон шудааст, Ватани моро ҳамчун кишвари ноамну бесубот нишон диҳанд.
Албатта, тирашон хок хӯрд. Зеро мардуми шарифи тоҷик меваи талхи ҷанги таҳмилии шаҳрвандиро чашидааст ва дигар намехоҳад осудагиву амонии кишварашро аз даст диҳад.
Ҳизби Халқии Демократии Тоҷикистон аз мардуми огоҳу бедордил, адибону зиёиён, фаъолону собиқадорон ва пирони рӯзгордида даъват ба амал меорад, ки ҳама гуна амалҳои иғвогаронаи душманони миллатро маҳкум намуда, дар атрофи Пешвои муаззами миллат муттаҳид бошанд. Зеро иттиҳод рамзи ягонагӣ ва пирӯзии миллат аст.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
