«РИА Новости»: Дар Тоҷикистон ҳамлаи террористӣ ба низомиёни русро пешгирӣ карданд
ДУШАНБЕ, 02.08.2018. /АМИТ «Ховар»/. Дар Тоҷикистон неруҳои амниятӣ ячейкаи пинҳонии ҳизби мамнӯи наҳзати исломиро безарар гардониданд, ки аъзои он содир намудани як зумра ҳамлаҳои террористиро дар нақша доштанд. Дар ин хусус рӯзи чоршанбе, 1 август «РИА Новости» бо истинод ба маркази робитаҳои ҷамъиятии Кумитаи давлатии амнияти миллии Ҷумҳуории Тоҷикистон хабар дод.
Амалиёт ҳанӯз моҳи феврал гузаронида шуда, хадамоти махсус 14 нафарро дастгир кардаанд. Ин шахсон нақша доштаанд, ки дар ҷумҳурӣ дар рӯзҳои таҷлили ҷашни Наврӯз, моҳи марти соли 2018 як зумра ҳамлаҳои террористии мудҳиш анҷом диҳанд. Яке аз ҳадафҳои онҳо пойгоҳи ҳарбии 201-уми Россия дар Душанбе буд.
Илова бар ин, аъзои ячейкаи мазкур омодагии махсусро дар Афғонистон гузашта, баъдан дар амалиёти ҷангӣ дар сафи гурӯҳи террористии «Давлати исломӣ» /ДИ/* иштирок кардаанд. Омодагии ҷангии онҳоро Ҳизби нгаҳзати исломӣ (ҲНИ)* маблағгузорӣ намудааст.
Тафсилоти парвандаҳои ифротиён танҳо пас аз мурофиаи додгоҳ маълум гардид. Ҳамаи дастгиршудагонро ба зархаридӣ, ташкили фаъолияти ташкилоти экстремистӣ, убури ғайриқонунии сарҳади давлатӣ ва терроризм гунаҳкор донистанд. Созмондиҳандагони ин ячейка Фахриддин Гулов ва Маҳмудҷон Азамови 25-сола ба 26 соли зиндон ва дигарҳо ба 7 -солӣ маҳкум шуданд.
29 июл дар Тоҷикистон ба гурӯҳи сайёҳони хориҷӣ, ки бо велосипед дар ҷумҳурӣ сайругашт мекарданд, ҳамла намуданд. Дар натиҷа 4 нафар ҳалок гардида, 2 каси дигар маҷрӯҳ шуданд. Масъулияти ҳамларо гурӯҳи террористии «Давлати исломӣ»* бар дӯш гирифт. Мақомоти кишвар дар ҳодисаи рухдода ташкилоти террористӣ-экстремистии Ҳизби наҳзати исломиро (ТТЭ ҲНИ)* айбдор карданд. Баъдтар дар шабакаи интернет навори байъати қотилони сайёҳони хориҷӣ — шаҳрвандони Тоҷикистон ба ДИ* пайдо шуд. АМИТ «Ховар» бо истинод ба мақомоти ҳифзи ҳуқуқи кишвар хабар дод, ки ин нафарон аъзои ТТЭ ҲНИ низ буданд. «Ин амал бори дигар собит месозад, ки Ҳизби наҳзати исломӣ бо гурӯҳи «Давлати исломӣ» робита ва ҳамкории зич дорад», — навиштааст агентӣ.
_______________________________________
* Мамнӯъ дар Тоҷикистон
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
