АЗ ПАИ ИҶРОИ ДАСТУРУ СУПОРИШҲОИ ПЕШВОИ МИЛЛАТ: Дар вилояти Хатлон фаъолияти 18 сартарошхона бинобар ҷавобгӯ набуданашон ба талаботи санитарию эпидемиологӣ манъ карда шуд
ДУШАНБЕ, 29.09.2018. /АМИТ «Ховар»/. Тибқи дастуру супоришҳои Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон зимни суханронӣ дар Донишгоҳи давлатии тиббии Тоҷикистон ба номи Абуалӣ ибни Сино аз ҷониби Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон гурӯҳҳои корӣ таъсис ёфта, фаъолияти сартарошхонаҳо, кошонаҳои ҳусн ва ҳуҷраҳои дандонпизишкӣ мавриди санҷиш қарор гирифтанд.
Тавре аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд, аз ҷониби гурӯҳҳои корӣ фаъолияти 29 сартарошхона, 20 кошонаи ҳусн ва 13 ҳуҷраи дандонпизишкии шаҳри Бохтар мавриди санҷиш қарор гирифт.
Зимни санҷиш дар коргоҳҳои номбурда камбудиҳои зиёд, аз қабили ба талаботи санитарию эпидемиологӣ ҷавобгӯ набудан, риоя накардани ҳуҷҷатгузориҳои зарурӣ ва истифода накардани маводи яккарата ошкор ва ба қайд гирифта шуд.
Дар асоси камбудиҳои ошкоршуда фаъолияти 18 сартарошхона, 7 кошонаи ҳусн ва 1 ҳуҷраи дандонпизишкӣ манъ карда шуд.
Ҳамчунин нисбат ба 5 нафар табибони ҳуҷраҳои дандонпизишкӣ барои риоя накардани қоидаҳои махсуси тиббӣ санад тартиб дода шуда, ба маблағи 10 ҳазор сомонӣ ҷарима баста шуданд.
Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон аз шаҳрвандон даъват мекунад, ки ҳангоми истифодаи хизмати сартарошхонаҳо, кошонаҳои ҳусн ва ҳуҷраҳои дандонпизишкӣ аз маводи як дафъагӣ истифода баранд. Ҳамчунин ба муҳлати истифодаи маводи доруворӣ ва ороишию гигиенӣ диққат бидиҳанд.
Дар сурати пайдо шудани шубҳа ба Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон муроҷиат намоянд.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
