Дар Кохи Сомон ҷаласаи навбатии Шӯрои сарони давлатҳои аъзои ИДМ ҷараён дорад
ДУШАНБЕ, 28.09.2018. /АМИТ Ховар/. Дар Кохи Сомон ҷаласаи навбатии Шӯрои сарони давлатҳои аъзои ИДМ шуруъ гардид. Хабарнигори АМИТ «Ховар» Мавҷуда АНВАРӢ, ки ҳамроҳи гуруҳи калони журналистони ватанӣ ва хориҷӣ ҳоло дар Бӯстонсарои Ҳукумати Ҷумҳурии Тоҷикистон ин рӯйдоди муҳимро пайгирӣ менамояд, гузориш медиҳад.
Ҷаласаи навбатии Шӯрои сарони давлатҳои ИДМ таҳти раёсати Президенти Ҷумҳурии Тоҷикистон муҳтарам Эмомалӣ Раҳмон оғоз ёфт. Пешвои миллат иштирокдоронро ба сарзамини Тоҷикистон хайрамақдам гуфта, ба кори он бурдборӣ таманно намуданд. Сипас Раиси Кумитаи иҷроия-котиби иҷроияи Иттиҳоди Давлатҳои Мустақил Сергей Лебедев оид ба раёсати Ҷумҳурии Тоҷикистон ҳисобот дода, фаъолияти онро баланд арзёбӣ кард.
Мавриди зикр аст, ки дар ҷаласа сарони кишварҳо доир ба масъалаҳои мубрами рӯзномаи байналмилалӣ ва ҳамгироии мутақобила дар доираи Иттиҳод табодули афкор менамоянд. Ҳамчунин иштирокдорони ҷаласа доираи васеи масъалаҳои марбут ба рушд ва тақвияти ҳамкориро дар самтҳои асосии фаъолияти ИДМ мавриди муҳокима қарор медиҳанд.
Хотиррасон мешавем, ки тайи як сол Тоҷикистон раёсати ИДМ-ро бар зимма дошт. Аниқтараш, 12 октябри соли 2017 дар нишасти сарони давлатҳо дар шаҳри Сочи раёсати ИДМ барои як соли дигар- соли 2018-ро Тоҷикистон ба уҳда гирифт.
Дар ҷаласаи навбатии Шӯрои сарони давлатҳои аъзои Иттиҳоди Давлатҳои Мустақил /ИДМ/, ки айни ҳол дар пойтахти Тоҷикистон-шаҳри Душанбе оғоз гардидааст, сарони давлатҳои Беларус Александр Лукашенко, Қазоқистон — Нурсултон Назарбоев, Қирғизистон — Сооронбой Жээнбеков, Озарбойҷон — Илҳом Алиев, Молдова — Игор Додон, Ӯзбекистон — Шавкат Мирзиёев, Россия — Владимир Путин, Арманистон — Никол Пашинян ва муовини Сарвазири Туркманистон Пурли Агамурадов иштирок доранд.
Барои инъикоси ин чорабинии сиёсӣ дар маркази матбуоти Кохи Сомон ҳоло 500 нафар хабарнигорони хориҷиву дохилӣ ҷамъ омадаанд ва ҷараёни ҷаласаи сарони кишварҳои ИДМ- ро пайгирӣ ва инъикос менамоянд.
Оид ба ҷараёни ҷаласа баъдтар иттилои муфассал пешниҳод мегардад.
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
