Дар масири Душанбе-Деҳнав, Душанбе-Тирмиз ва Панҷакент-Самарқанд ҳаракати автобусҳо ба роҳ монда шуд
ДУШАНБЕ, 11.09.2018/АМИТ «Ховар»/. Ҳамкории мутақобилан судманди иқтисодию тиҷоратии ду ҳамсоякишвар- Тоҷикистон ва Ӯзбекистон беш аз пеш густариш меёбад. Далели ин- ба роҳ мондани ҳаракати автобусҳои мусофирбар дар хатсайрҳои Тирмиз-Душанбе, Деҳнав –Душанбе ва Самарқанд –Панҷакент мебошад.
Тавре дар суҳбат ба хабарнигори АМИТ «Ховар» муовини Вазири нақлиёти Ҷумҳурии Тоҷикистон Шералӣ Ганҷалзода иброз дошт, харакати хатсайрҳои автобусҳои мусофирбар байни шаҳрҳои Душанбе –Деҳнав, Душанбе- Тирмиз ва Панҷакент –Самарқанд дар доираи тавсеаи ҳамкории судманди ду давлати ҳамҷавор- Тоҷикистон ва Ӯзбекистон ва санадҳои байнидавлатии баимзорасида ба роҳ монда шуда, самараи неки сафарҳои давлатии Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ба кишварҳои ҳамдигар мебошад, ки моҳи март ва августи соли равон анҷом дода шуданд.
Тибқи иттилои сарчашма, ҳаракати автобусҳо дар масири Душанбе-Тирмиз, Душанбе-Деҳнав ва Панҷакент-Самарқанд аз ҷониби ширкатҳои нақлиётии Тоҷикистон «Осиё гурӯҳ Тоҷикистон» ва Ӯзбекистон анҷом дода мешаванд.
Нархи роҳкиро дар масири Душанбе –Деҳнав, ки 107 км –ро ташкил медиҳад, 35 сомонӣ ва дар хатсайри Душанбе –Тирмиз, ки тӯли роҳ 250 км аст, 70 сомонӣ муайян шудааст. Интизор меравад, ки ҳаракати автобусҳо дар масири Душанбе –Деҳнав ҳар рӯз ва дар хатсайри Душанбе –Тирмиз ҳафтае як маротиба сурат гирад. Инчунин бо назардошти талаботи мусофирон ҳаракати автобусҳо дар ин масир афзоиш дода мешавад.
Бояд тазаккур дод, ки моҳи майи соли равон байни шаҳрҳои Хуҷанд –Тошканд ҳаракати автобусҳо ба роҳ монда шуд, ки он пойтахти Ӯзбекистон- шаҳри Тошкандро бо маркази маъмурии вилояти Суғди Тоҷикистон –шаҳри Хуҷанд мепайвандад.
Ба роҳ мондани ҳаракати автобусҳои мусофирбар дар хатсайри Душанбе-Деҳнав, Душанбе –Тирмиз ва Панҷакент – Самарқанд дар ҳолест, ки моҳи августи соли равон Ҳукумати Ҷумҳурии Тоҷикистон қарор қабул кард. Тибқи он минбаъд аз воситаҳои нақлиёти автомобилии сабукрав ва автобусҳои Ҷумҳурии Ӯзбекистон барои ворид шудан ва гузариши транзитӣ аз ҳудуди Ҷумҳурии Тоҷикистон хироҷ ситонида намешавад.
Марзия САИДЗОДА,
АМИТ «Ховар»
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
