Дастаи мунтахаби то 21-солаи Тоҷикистон ба бозиҳои интихобии Чемпионати Осиё -2020 омодагӣ мебинад
ДУШАНБЕ, 11.09.2018 /АМИТ «Ховар»/. Дастаи мунтахаби то 21-солаи Тоҷикистон оид ба футбол дар мусобиқаи байналмилалӣ, ки дар Чин ба анҷом расид, бо ду мусовӣ ва як бохт зинаи сеюмро соҳиб гардид. Ин вохӯриҳо яке аз марҳалаҳои аввали тайёрӣ ба бозиҳои интихобии Чемпионати Осиё -2020 ба ҳисоб мераванд.
Сармураббиии дастаи мунтахаби ҷавонони Тоҷикистон оид ба футбол Мубин Эргашев, ки имсол дастаро ба бозиҳои финалии Чемпионати Осиё мебарад, дар Чин якбора ҳамаи номзадҳо ба дастаи мунтахабро аз назар гузаронида, дар силсилаи ин вохӯриҳо малакаю маҳорати онҳоро боз ҳам такмил дод.
Дар бозии охирини худ футболбозони мамлакат бо дастаи мунтахаби Миянмар қувва санҷида, онро бо ҳисоби мусовии 0:0 анҷом доданд. Агар Эҳсони Панҷшанбе зарбаи пеналтиро дар дақиқаи 42-юм ба нишон мерасонид, он гоҳ мубориза барои ҷои дуюм пурзӯртар мегардид.
Ба ҳамин тартиб, футболбозони дастаи мунтахаби то 21-солаи Тоҷикистон аз 4 то 8 сентябр дар кишвари Чин бо дастаи мунтахаби Ӯзбекиситон (0:1) ва Чин (1:1) боз ду вохӯрии дигар анҷом дода, ба Тоҷикистон баргаштанд. Аҷиб он буд, ки дар вохӯрӣ бо мизбонони мусобиқа-дастаи мнутахаби Чин аз сабаби борони сахт дастаҳо ҳамагӣ 77 дақиқа бозӣ карданд ва он анҷомёфта ҳисобида шуд.
Бозии байналмилалӣ дар Чин
Даври 1
Ӯзбекистон (U-21) – Тоҷикистон (U-21) – 1:0
Чин (U-21) – Мянма (U-21) – 1:0
Даври 2
Тоҷикистон (U-21) – Чин (U-21) – 1:1
Муаллифи гол аз дастаи Тоҷикистон: Муҳаммадҷон Раҳимов.
Мянма (U-21) – Ӯзбекистон (U-21) – 0:2
Даври 3
Тоҷикистон (U-21) – Мянма (U-21) – 0:0
Пеналтиро ба нишон нарасонд: Эҳсони Панҷшанбе (Тоҷикистон), 42 – дарвозабон.
Чин (U-21) – Ӯзбекистон (U-21) – 1:1
| Б | Ғ | М | Б | Т/т | И | ||
| 1 | Ӯзбекистон (U-21) | 3 | 2 | 1 | 0 | 4-1 | 7 |
| 2 | Чин (U-21) | 3 | 1 | 2 | 0 | 3-2 | 5 |
| 3 | Тоҷикистон (U-21) | 3 | 0 | 2 | 1 | 1-2 | 2 |
| 4 | Мянма (U-21) | 3 | 0 | 1 | 2 | 0-3 | 1 |
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
