ФУТБОЛ. Лигаи миллатҳои Аврупо: шикасти дардноки дастаи мунтахаби Хорватия аз Испания ҳангома эҷод кард

ДУШАНБЕ, 12.09.2018 /АМИТ «Ховар»/. Дастаи мунтахаби Хорватия-барандаи медалҳои нуқраи Чемпионати ҷаҳони соли 2018 дар даври дуввуми бозиҳои Лигаи миллатҳои Аврупо дар меҳмонии дастаи мунтахаби Испания бо натиҷаи 6:0 шикаст хӯрда, дар ҷаҳони футбол боз як ҳангомаи дигар бар ҷой гузошт. Ин вохӯрӣ дар варзишгоҳи  “Мануэ Мартинес Валеро” –и шаҳри Элчеи Испания шоми дирӯз барпо гардид.

Футболбозони испанӣ дар ин вохӯрӣ бартарии мутлақро дар ҳама нишондодҳо соҳиб буданд ва Саул ҳисобро боз кард. Ҳунарнамоии на он қадар хуби Ковачич имкон дод, ки Асенсио натиҷаро ба 2:0 расонад. Асенсио бори дигар аз марказ зарбаеро ба иҷро расонд, ки он ба тири дарвоза бархӯрда, ба пушти дарвозабон –Ловре Калинич расид ва вориди дарвоза шуд. Сипас Родриго, Серхио Рамос ва Иско боз се тӯби дигар ба тӯри дарвоза зада, ба натиҷаи вохӯрӣ нуқта гузоштанд.

Ноиби чемпиони ҷаҳони соли 2018 –дастаи мунтахаби Хорватия бо ин натиҷа нишон дод, ки баъди ба даст овардани медалҳои нуқра футболбозони ин кишвар лаҳзае фароғатро пешаи худ кардаанд.

Дар ин давр дар Лигаи “Д”-и гурӯҳи 2 дастаҳои мунтахаби Молдова ва Беларус 0:0, дар Лигаи “А”-и гурӯҳи 2 Исландия ва Белгия 0:3 ва Лигаи “А”-и гурӯҳи 3 Португалия- Италия бо ҳисоби 1:0 бозиҳояшонро ҷамъбаст карданд.

Лигаи миллатҳо A 

Гурӯҳи 4

Испания — Хорватия — 6:0 (3:0)

Голҳо: Саул, 24 (1:0). Асенсио, 33 (2:0). Калинич, 35 (худгол) (3:0). Родриго, 49 (4:0). Серхио Рамос, 57 (5:0). Иско, 70 (6:0).

Лигаи миллатҳо

Лигаи А

Гурӯҳи 2

Исландия — Белгия — 0:3 (0:2)

Голҳо: Э.Азар, 29 пен (0:1). Лукаку, 31 (0:2). Лукаку, 81 (0:3).

Лигаи С

Гурӯҳи 2

Венгрия — Юнон — 2:1 (2:1)

Голҳо: Р.Шоллои, 15 (1:0). Манолас, 18 (1:1). Кляйнхайслер, 42 (2:1).

Финляндия — Эстония — 1:0 (1:0)

Гол: Пукки,12.

Лигаи миллатҳо

Лигаи В

Гурӯҳи 3

Босния ва Гертсеговина — Австрия — 1:0 (0:0)

Гол: Ҷеко, 78.