Хонандагони деҳаи Паткуноби ноҳияи Дарвоз дар остонаи ҷашни Истиқлолият соҳиби бинои нави таълимӣ гардиданд
ХОРУҒ, 7.09.2018 /АМИТ «Ховар»/. Хонандагону омӯзгорони муассисаи таҳсилоти миёнаи умумии рақами 41 ноҳияи Дарвоз, ки чанд соли охир дар бинои садамавӣ мехонданд, акнун таҳсилро дар бинои хуштарҳу зебо ва замонавӣ идома медиҳанд. Дар ин бора хабарнигори минтақавии АМИТ “Ховар” Файз МИРАСАН иттилоъ дод.
Ба гуфтаи директори мактаби мазкур Муҳаммадӣ Зарипов, «бинои кӯҳнаро беш аз 40 сол пеш бо усули ҳашар сохта буданд. Солҳои охир дару девор ва бому шифти он комилан хароб гардида буд. Дар ин бино шароит барои гузаронидани дарсҳои асосӣ ва иловагӣ мавҷуд набуд. Бо кумаку дастгирии Ҳукумати мамлакат ва Вазорати маориф ва илми ҷумҳурӣ дар остонаи ҷашни Истиқлолияти давлатӣ мо соҳиби бинои нав гардидем».
Хишти аввали бинои мазкур моҳи апрели соли равон гузошта шуда буд. Барои бунёди он Вазорати маориф ва илми ҷумҳурӣ 1 миллиону 800 ҳазор сомонӣ ҷудо карда, бинокорони Ҷамъияти масъулияташ маҳдуди «Ноқилсохтмон» дар муддати бештар аз панҷ моҳ сохтмони биноро бо сифати хуб ба анҷом расониданд. Бинои нав барои таҳсили 120 хонанда пешбинӣ шуда, синфхонаҳо бо асбобу ашёи зарурии таълимӣ, аз ҷумла 25 компютер таъмин карда шуданд.
Ҳамаи синфхонаҳо дар фасли зимистон бо низоми нави гармидиҳӣ тавассути неруи барқ гарм карда мешаванд. Дар сурати қатъ гардидани неруи барқ ба синфхонаҳо гармӣ тавассути ангиштсанг интиқол дода мешавад.
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Дар Хуҷанд якчанд иншооти хизматрасонӣ ба истифода дода шуд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Дар деҳоти Исфисори ноҳияи Бобоҷон Ғафуров варзишгоҳи бузург бо 7000 ҷойи нишаст ба истифода дода шуд
Дар шаҳри Истаравшан Маркази саломатӣ ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Муассисаи давлатии мактаби махсуси варзишӣ оид ба футболро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
Сарвари давлат Эмомалӣ Раҳмон дар шаҳри Бӯстон корхонаи истеҳсоли пойафзолро ифтитоҳ намуданд
Пешвои миллат Эмомалӣ Раҳмон дар шаҳри Бӯстон Маркази ташхису табобатии «Луқмони Ҳаким»-ро мавриди истифода қарор доданд
