Миёни Вазорати маориф ва илми Тоҷикистон ва Донишгоҳи Осиёи Марказӣ Созишномаи ҳамкорӣ ба имзо расид
ДУШАНБЕ, 06.09.2018 /АМИТ «Ховар»/. Миёни Вазорати маориф ва илми Ҷумҳурии Тоҷикистон ва Донишгоҳи Осиёи Марказӣ бо мақсади боло бурдани ҳамкории судманди дуҷониба Созишномаи ҳамкорӣ ба имзо расид. Ҳадафи имзои санади мазкур омода намудани мутахассисони соҳибкасби дорои таҳсилоти олӣ ва дар бозори меҳнати дохилӣ ва хориҷӣ рақобатпазир, ҷорӣ намудани усулҳои нави таълим, баланд бардоштани сифати таълим, ичунин ба роҳ мондани фаъолияти таълимӣ дар Мактаби улуми гуманитарӣ, табиатшиносӣ ва дақиқ дар шаҳри Хоруғ мебошад.
Созишномаи мазкурро Вазири маориф ва илми Ҷумҳурии Тоҷикистон Нуриддин Саид ва раиси Шӯрои парасторони Донишгоҳи Осиёи Марказӣ Шамш Қосим Лакха дар Вазорати корҳои хориҷии Ҷумҳурии Тоҷикистон ба имзо расониданд. Дар маросими имзои санади мазкур муовини Вазири корҳои хориҷии Ҷумҳурии Тоҷикистон Исматулло Насриддин ва ректори Донишгоҳи Осиёи Марказӣ доктор Суҳайл Нақвӣ иштирок доштанд.
Бояд тазаккур дод, ки Донишгоҳи Осиёи Марказӣ соли 2000 ҳамчун донишгоҳи дунявӣ, хусусӣ ва ғайритиҷоратӣ тавассути Шартномаи байналмилалӣ, ки аз ҷониби президентҳои Ҷумҳурии Тоҷикистон, Қирғизистон, Қазоқистон ва Волоҳазрат Оғохон ба имзо расидааст, таъсис ёфт. Шартнома аз ҷониби парлумонҳои давлатҳои мазкур ба тасвиб расида, дар Созмони Милали Мутаҳид ба қайд гирифта шудааст.
«Мо итминон дорем, ки Донишгоҳи Осиёи Марказӣ дар омода намудани мутахассисони сатҳи байналмилалӣ, ки ба рушди кишварҳои минтақа мусоидат мекунанд, нақши муҳим иҷро менамояд»,- изҳор дошт Вазири маориф ва илми Ҷумҳурии Тоҷикистон Нуриддин Саид.
Раиси Шӯрои парасторони Донишгоҳи Осиёи Марказӣ Шамш Қосим Лакха иброз дошт, ки Донишгоҳи Осиёи Марказӣ бо кумаки ҳукуматҳои Тоҷикистон, Қирғизистон, Қазоқистон ва донишгоҳҳои шарик дар Австралия, Канада, Аврупо ва Россия аз тариқи таҳқиқот ва омӯзиш додани донишҷӯёни боистеъдоди Тоҷикистон ва кишварҳои дигари Осиёи Марказӣ нақши худро дар рушди минтақа тақвият медиҳад.
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
