Озмуни ҷумҳуриявии «Китобдор, китобхона ва китобхонаи шахсии сол» ҷамъбаст гардид
ДУШАНБЕ, 05.09.2018 /АМИТ «Ховар»/. Бо ташаббуси Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон ба муносибати Рӯзи китоб Озмуни ҷумҳуриявии «Китобдор, китобхона ва китобхонаи шахсии сол дар Ҷумҳурии Тоҷикистон барои солҳои 2017 — 2018» баргузор гардид.
Мақсади асосии озмун аз баланд бардоштани мақоми китоб, самаранокӣ ва сифати кори китобдор ва китобхона дар ҷомеа, ташвиқ ва тарғиби соҳаи китобдорӣ, муайян ва муаррифӣ намудани фаъолияти босамар дар байни китобхонаҳо ва кормандони он, ҳавасмандгардонии китобдорону китобхонаҳо ва ташвиқу тарғиби мутолиаи китоб дар байни аҳолии кишвар иборат буд.
Тавре аз Китобхонаи давлатии патентию техникӣ хабар доданд, озмун аз 18 январ эълон гардида, 31 июли соли 2018 ба анҷом расид.
Ба унвонии Кумитаи тадорукоти озмун аз рӯи 3 бахш- «Китобхонаи сол» 25 ҳуҷҷат, «Китобдори сол» 26 ҳуҷҷат ва «Китобхонаи шахсии сол» 12 ҳуҷҷат ворид гардид.
Мутобиқи қарори ҳакамони озмун дар бахши «Китобхонаи сол» Китобхонаи оммавии вилояти Суғд ба номи Т.Асирӣ ҷоизаи «Гран -прӣ» барои ҷойи аввал, Китобхонаи марказии шаҳри Ҳисор ҷоизаи «Гран-прӣ» барои ҷойи дуюм, Китобхонаи марказии ноҳияи Муъминобод ҷоизаи «Гран-прӣ» барои ҷойи сеюмро ишғол намуданд.
Дар бахши «Китобдори сол» китобдорони зерин- Алидод Чароғабдолов, директори Китобхонаи оммавии ВМКБ ба номи А.Рӯдакӣ ҷоизаи «Гран-прӣ» барои ҷойи аввал, Дилфуза Шамсиева, директори Китобхонаи марказии ноҳияи Спитамени вилояти Суғд ҷоизаи «Гран — прӣ» барои ҷойи дуюм, Хайрулло Набиев, мудири китобхонаи деҳоти Дӯстии ноҳияи Муъминобод ҷойи сеюмро ишғол намуданд.
Дар бахши «Китобхонаи шахсии сол» китобхонаҳои шахсии зерин: Китобхонаи шахсии «Ганҷи Мунк»-и ноҳияи Ховалинги вилояти Хатлон ҷоизаи «Гран-прӣ» барои ҷойи аввал, Китобхонаи шахсии ҷамъияти «Вализодагон»-и ноҳияи Ҳамадонии вилояти Хатлон ҷоизаи «Гран-прӣ» барои ҷойи дуюм, Китобхонаи шахсии ба номи «Хонаи асрори маънӣ»-и ноҳияи Муъминободи вилояти Хатлон ҷоизаи «Гран-прӣ» барои ҷойи сеюмро сарфароз гардиданд.
Ғолибони озмун аз ҷониби Кумитаи тадорукоти озмун бо туҳфаҳои хотиравӣ қадрдонӣ карда шуданд.
Озмуни ҷумҳуриявии «Китобдор, китобхона ва китобхонаи шахсии сол дар Ҷумҳурии Тоҷикистон» дар ду сол як маротиба гузаронида мешавад.
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
