Роҳбари Дастгоҳи иҷроияи Президенти Ҷумҳурии Тоҷикистон аз номи Пешвои миллат ба як қатор кормандони муваффақ мукофотҳои давлатӣ супориданд

Сентябрь 11, 2018 15:20

ДУШАНБЕ, 11.09.2018./АМИТ «Ховар»/. Тавре қаблан иттилоъ дода будем, дар арафаи 27 — умин солгарди Истиқлолияти давлатии Ҷумҳурии Тоҷикистон бо Фармони Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 8 сентябри соли 2018 таҳти №1080  намояндагони касбу кори гуногун, аз ҷумла, кормандони соҳаи илму маориф, фарҳангу тандурустӣ, истеҳсоли мол ва хизматрасониҳо, мақомоти маҳаллии ҳокимияти давлатӣ ва коргарону бинокорон, соҳибкорон, хизматчиёни давлатӣ ва сарбозону афсарони мақомоти ҳифзи ҳуқуқу сохторҳои низомӣ барои дастовардҳои баланди истеҳсолию соҳибкорӣ, фаъолияти самаранок дар хизмати давлатӣ, саҳми арзанда дар рушди илму фарҳанги мамлакат, таҳкими сулҳу дӯстӣ ва ҳамкорӣ байни халқҳо бо мукофотҳои давлатӣ, рутбаҳои баланди низомӣ ва унвону ҷоизаҳои давлатӣ тақдир карда шуданд.

30 август дар Қасри миллат Сарвари давлат муҳтарам Эмомалӣ Раҳмон  дар вазъияти тантанавӣ ин мукофотҳоро ба  як зумра  шахсоне, ки меҳнаташон қадр гардидааст,  тақдим  намуданд.

6 сентябр дар Дастгоҳи иҷроияи Президенти Ҷумҳурии Тоҷикистон ҷамъомади тантанавӣ баргузор гардид.

Роҳбари Дастгоҳи иҷроияи Президенти Чумҳурии Тоҷикистон  Раҳмон Озода Эмомалӣ  иштирокчиёни ҷамъомадро ба ҷашни 27-солагии  Истиқлолияти  давлатии Чумҳурии Тоҷикистон табрику таҳният гуфта, дастовардҳои даврони соҳибистиқлолии мамлакатро самараи сиёсати бобарори иқтисодию иҷтимоӣ ва талошу заҳматҳои пайвастаи Асосгузори сулҳу ваҳдати миллӣ-Пешвои миллат, Президенти Чумҳурии Тоҷикистон муҳтарам Эмомалӣ Раҳмон арзёбӣ намуданд.

Таъкид гардид, ки маҳз бо шарофати Истиқлолияти давлатӣ ва иқдому ташаббусҳои бузурги Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар давоми 27 сол халқи тоҷик ба дастовардҳои бузурги иқтисодию иҷтимоӣ ноил гардида, давлату  миллат дар арсаи байналмилалӣ маъмулу машҳур шуд.

Роҳбари Дастгоҳи иҷроияи Президенти Ҷумҳурии Тоҷикистон  Раҳмон Озода Эмомалӣ аз ҳамаи хизматчиёни давлатӣ хизмати содиқонаю софдилонаро ба нафъи милату давлат тақозо намуда, таъкид доштанд, ки маҳз бо фаъолияти самарабахшу поквиҷдонона мо метавонем дар пешрафту тараққиёти боз ҳам бештари Тоҷикистон саҳми муносиб гузорем.

Дар ҷамъомади тантанавӣ ба як қатор кормандони Дастгоҳи иҷроияи  Президенти Ҷумҳурии  Тоҷикистон  барои хизматҳои бисёрсола  ва  саҳми шоиста дар корҳои давлатию  ҷамъиятӣ мукофотҳои  давлатии Ҷумҳурии Тоҷикистон супорида шуд.

Дар анҷоми ҷамъомади тантанавӣ Роҳбари Дастгоҳи иҷроияи Президенти Ҷумҳурии Тоҷикистон  Раҳмон Озода Эмомалӣ  бори дигар ҳамаи нафароне, ки барои фаъолияти пурсамар дар роҳи рушду пешрафти ҷомеа аз ҷониби роҳбарияти давлату ҳукумати мамлакат бо мукофотҳои олии давлатӣ қадрдонӣ шуданд, ба ифтихори ҷашни бисту ҳафтумин солгарди Истиқлолияти давлатии Ҷумҳурии Тоҷикистон табрик гуфта, ба онҳо дар иҷрои вазифаҳои ба зиммадошта барору муваффақият таманно намуданд.

Роҳбари Дастгоҳи иҷроияи Президенти Ҷумҳурии Тоҷикистон ба кормандони зерин медали «Хизмати шоиста» супориданд:

Раҷабалидухт Файзинисо Мирзозода, муовини  Мудири шӯъбаи  тарҷумаи Дастгоҳи иҷроияи президенти Ҷумҳурии Тоҷикистон

Сайдалиев Маҳмадӣ Шодмонович, сармутахассиси Раёсати коргузорӣ ва назорати Дастгоҳи иҷроияи Президенти Ҷумҳурии Тоҷикистон

 Бо Ифтихорномаи Ҷумҳурии Тоҷикистон инҳо тақдир карда шуданд:

Абдуллозода Алишер Ҳамид, мудири бахши Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон

Абдуллозода Фирдавс Асадулло, мудири бахши Раёсати ҳуқуқи Дастгоҳи иҷроияи президенти Ҷумҳурии Тоҷикистон

Бобоҷонзода Миҷгона, сармутахассиси Раёсати ҳуқуқи Дастгоҳи иҷроияи Президенти Ҷумҳурии Тоҷикистон

Иноятова Саодат Исматовна, мутахассиси Раёсати коргузорӣ ва назорати Дастгоҳи иҷроияи Президенти Ҷумҳурии Тоҷикистон

Файзуллоев Камол Мирзошарифович, сармутахассиси Раёсати коргузорӣ ва назорати Дастгоҳи иҷроияи Президенти Ҷумҳурии Тоҷикистон

Роҳбари Дастгоҳи иҷроияи Президенти Ҷумҳурии Тоҷикистон ҳамчунин ба чанд нафар кормандон Ифтихорномаи Дастгоҳи иҷроияи Президенти Ҷумҳурии Тоҷикистонро тақдим намуданд.

Сентябрь 11, 2018 15:20

Хабарҳои дигари ин бахш

Беш аз 50 километр роҳҳои маҳаллии ноҳияи Деваштич мумфарш карда шуданд
Дар Муассисаи давлатии Хона-интернати пиронсолон ва маъюбони ноҳияи Ёвон чоҳи амудӣ ба истифода дода шуд
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд Маҷмааи варзишии «Суғд-Арена» бунёд мегардад
35-СОЛАГИИ ИСТИҚЛОЛИЯТИ ДАВЛАТӢ. Дар Хуҷанд инфрасохтори муҳими коммуналӣ навсозӣ карда мешавад
Байни Мақомоти иҷроияи ҳокимияти давлатии шаҳри Турсунзода ва ҶДММ «Илму адаб» созишнома ба имзо расид
35-СОЛАГИИ ИСТИҚЛОЛИ ДАВЛАТӢ. Дар Панҷакент беш аз 800 иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов барои 200 тарбиятгиранда кӯдакистон сохта мешавад
35-СОЛАГИИ ИСТИҚЛОЛИ ДАВЛАТӢ. Дар Панҷакент иншооти нави таълимӣ ва варзишӣ ба истифода дода шуд
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъати тоза меёбад
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст