СОҲИБИСТИҚЛОЛЕМУ СОҲИБВАТАН! 16 синфхонаи иловагӣ-туҳфаи идона ба хонандагони мактабҳои Сангвор

Сентябрь 8, 2018 11:36

САНГВОР, 08.09.2018 /АМИТ «Ховар»/. Дар арафаи ҷашни 27-умин солгарди Истиқлолияти давлатии Ҷумҳурии Тоҷикистон дар ноҳияи Сангвор дар назди 8 муассисаи таълимии ноҳия 16 адад  синфхонаҳои иловагӣ бо 250 ҷойи нишаст ба истифода дода шуданд.

Тибқи иттилои масъулини ноҳияи Сангвор, дар сохтмони синфхонаҳои иловагӣ аз ҳисоби саҳми  волидайни хонандагону соҳибкорон ва буҷаи ноҳия зиёда аз як миллиону 400 ҳазор сомонӣ маблағ масраф шудааст.

Инчунин ба ифтихори 30- солагии Истиқлолияти давлатии Ҷумҳурии Тоҷикистон бо иштироки роҳбарияти ноҳия ва меҳмонон дар  5 ҷамоати деҳот сохтмони 5 варзишгоҳи замонавӣ, ҳаммом,  сартарошхонаҳо ва кошонаи ҳусн барои бонувон  оғоз гардид, ки дар оянда  мавриди баҳрабардории сокинон қарор мегиранд.

Муовини якуми раиси ноҳияи Сангвор Темур Қурбонзода гуфт, ки давоми 27 соли Истиқлолияти давлатӣ сокинони ноҳияи Сангвор  ба бисёр пешравиҳо ноил гардиданд ва имрӯз маркази ноҳия  симои худро тамоман дигар кардааст. Биноҳои зебову замонавӣ диққати мардумро ба худ ҷалб мекунанд. Рӯз то рӯз кӯчаву маҳаллаҳо  зеботару дилкаштар мегарданд.  Дар   27 соли Истиқлолият зиёда аз 100 километр  хатҳои оби нӯшокӣ дар  15 деҳаи ҷамоатҳои деҳот, 10  канали обёрикунанда, 22 пули мошингузар, зиёда аз 22 пули  пиёдагузар дар ҷамоатҳои деҳоти Тавилдара, Чилдара, Вахё, Сангвор ва Ваҳдат мавриди баҳрабардорӣ қарор гирифтаанд, ки самараи истиқлолият мебошанд.

Мудири маорифи ноҳия Нуриддин Таваккалов иброз дошт, ки дар ноҳияи Сангвор то соли 1992 ҳамагӣ 26 муассисаи таълимӣ фаъолият дошт.

Тавре аз нишондиҳандаҳо бармеояд, дар замони Истиқлолият шумораи муассисаҳои таълимӣ хеле афзуда, дар зарфи 27 соли соҳибистиқлолӣ сохтмони 46 бинои муассисаҳои таълимӣ ба анҷом расонида шуда, хонандагон аз хонаҳои шахсӣ ва вагонҳо пурра ба биноҳои хуштарҳу замонавӣ гузаштанд.

Дар ин давра аксарияти муассисаҳои таҳсилоти ибтидоӣ ба асосӣ ва муассисаҳои таҳсилоти умумии асосӣ ба миёна табдил дода шуданд, ки мақсад аз ин иқдом пурра ба таҳсил фаро гирифтани кӯдакони деҳаҳои дурдаст мебошад.

 

Сентябрь 8, 2018 11:36

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар Суғд корхонаи азими коркард ва истеҳсоли оҳан бунёд мегардад
БАРДОШТ АЗ ПАЁМ. Дар деҳаи дурдасти Кӯҳони шаҳри Ҳисор бинои мактаби нав сохта мешавад
35-СОЛАГИИ ИСТИҚЛОЛИ ДАВЛАТӢ. Кӯли шаҳрӣ ва меҳмонхонаи «Хуҷанд»-и шаҳри Бӯстон пурра таҷдид мешаванд
35-СОЛАГИИ ИСТИҚЛОЛИ ДАВЛАТӢ. Дар вилояти Хатлон сохтмони 6260 иншоот пешбинӣ гардидааст
35-СОЛАГИИ ИСТИҚЛОЛИ ДАВЛАТӢ. Дар назди Беморхонаи марказии ноҳияи Мастчоҳ бинои нав сохта мешавад
БАРДОШТ АЗ ПАЁМ. Дар шаҳри Хуҷанд се кӯдакистони замонавӣ ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ фермаи парандапарварӣ ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар шаҳри Исфара беш аз 121 километр роҳ мумфарш карда шуд
35-СОЛАГИИ ИСТИҚЛОЛИ ДАВЛАТӢ. 91,9 км роҳҳои маҳаллии шаҳру ноҳияҳои минтақаи Ҳисор мумфарш гардид
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
Дар Тоҷикобод мулоқоту суҳбатҳо бо сокинон бо усули «Деҳа ба деҳа» ва «Маҳалла ба маҳалла» идома доранд
Дар деҳаҳои Сариқошу Лангари ноҳияи Нуробод толору майдончаи варзишӣ бунёд мегардад