Дар Душанбе масъалаҳои ҳамкории муштараки милитсияи Тоҷикистону Россия баррасӣ гардиданд
ДУШАНБЕ, 17.10.2018. /АМИТ «Ховар»/. Дар Бӯстонсарои шаҳрии Ҳукумати Ҷумҳурии Тоҷикистон дар шаҳри Душанбе ҷаласаи навбатии мушовираи якҷояи вазоратҳои корҳои дохилии Ҷумҳурии Тоҷикистон ва Федератсияи Россия баргузор гардид.
Дар ин бора аз маркази матбуоти Вазорати корҳои дохилӣ ба мухбири АМИТ «Ховар» хабар дода, зикр намуданд, ки дар он Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода, Вазири корҳои дохилии Федератсияи Россия, генерали политсия Владимир Колоколтсев ва аъзои ҳайатҳои ду ҷониб иштирок намуданд.
Ба иттилои манбаъ, дар ҷаласа масъалаҳои таҳким бахшидани ҳамкорӣ байни ҳарду вазорат дар самти кофтукови ҷинояткороне, ки аз тафтишот ва суд пинҳон шудаанд, инчунин мукаммал намудани ҳамкорӣ дар соҳаи муҳоҷират мавриди баррасӣ қарор дода шуданд.
Рамазон Раҳимзода ҷаласаро ифтитоҳ намуда, иброз дошт, ки ҳамкории мақомоти корҳои дохилии Ҷумҳурии Тоҷикистон ва Федератсияи Россия рӯз аз рӯз тақвият ёфта, дар доираи ҷаласаи мушовираи якҷоя боз ҳам рушду такомул меёбанд.
Зимни ҷаласа масъулини ду ҷониб оид ба ҳалли масъалаҳо дар самти кофтукови ҷинояткорони дар ҷустуҷӯ қарордошта таклифу пешниҳоди судманд баён дошта, ҷиҳати ҳалли масъалаҳо дар самти муҳоҷират мубодилаи афкор намуданд.
Рамазон Раҳимзода ва Владимир Колоколсев Нақшаи кории вазоратҳои корҳои дохилии Ҷумҳурии Тоҷикистон ва Федератсияи Россияро дар соли 2019 тасдиқ ва дар доираи мушовираи якҷояи вазоратҳо қарори дахлдор қабул намуданд.
Ёдовар мешавем, ки мақсад аз баргузор намудани мушовираи якҷояи вазоратҳои корҳои дохилии Тоҷикистон ва Россия васеътар баррасӣ намудани масъалаҳои муҳим, ташкил намудани ҳамкории муштарак дар мубориза бо ҷинояткорӣ ва ҳифзи тартиботи ҷамъиятӣ, муайян намудани самтҳои рушди ҳамкории дуҷониба, инчунин андешидани чораҳои амалӣ дар мубориза бар зидди ҷинояткорӣ дар ҳудуди ҳарду давлат мебошад.








Машқҳои ҳарбии муштараки «Бародарии шикастнопазир-2025», «Монеа-2025» ва «Иттиҳоди зиддитеррористӣ-2025» анҷом ёфтанд
Дар Тоҷикистон марҳилаи ниҳоии машқҳои муштараки зиддитеррористии мақомоти салоҳиятдори кишварҳои ИДМ «Иттиҳод-Антитеррор-2025 баргузор гардид
Дар Душанбе Конфронси сеюми Иттиҳоди Давлатҳои Мустақил оид ба мубориза бо терроризм ва ифротгароӣ баргузор гардид
Машқҳои неруҳои дастҷамъии посдори сулҳи СААД барои аз байн бурдани манбаъҳои таҳдидҳои биологӣ анҷом ёфт
«АХЛОҚ ВА ТАРТИБОТ». Дар Душанбе фаъолияти 17 маркази дилхушӣ қатъ карда шуд
Дар Самарқанд нахустин мулоқоти вазирони мудофиаи кишварҳои Осиёи Марказӣ баргузор гардид
Нақшаи даъвати тирамоҳӣ дар Тоҷикистон 86 фоиз иҷро гардид
Дар ҷаласаи Шурои ҳамоҳангсозии прокуророни генералии ИДМ амалияи татбиқи шартномаҳо оид ба ҳамкории байналмилалии ҳуқуқӣ баррасӣ гардид
Прокуророни Тоҷикистон ва Узбекистон масоили мубориза бо ҷиноятҳои фаромарзӣ ва муташаккилро баррасӣ намуданд
Машқҳои муштараки неруҳои сулҳҷӯёнаи кишварҳои СААД бо номи «Бародарии шикастнопазир-2025» оғоз шуданд
Байни Тоҷикистон ва Русия оид ба ҳамкории мақомоти прокуратураҳои ҳарбӣ ду Созишнома ба имзо расид
Дар Тоҷикистон бо мақсади коҳиш додани сатҳи садаманокӣ амалиёти «Пиёдагард» гузаронида мешавад






