Дастаи мунтахаби ҷавонони Тоҷикистон дар бозӣ бо Кореяи Ҷанубӣ бо ҳисоби 0:1 шикаст хӯрд

Октябрь 29, 2018 17:04

ДУШАНБЕ, 29.10.2018./АМИТ «Ховар»/. Чанд дақиқа пеш дар бозии чорякфиналӣ  муқобили дастаи мунтахаби ҷавонони  Кореяи Ҷанубӣ, ки имрӯз, 29-уми октябр, дар варзишгоҳи «Патриот Сандрабага»-и шаҳри Бекасии Индонезия баргузор шуд, дастаи мунтахаби Тоҷиткистон бо ҳисоби 0:1 мағлуб шуд. Тӯби ягонаро Ҷеон Сеҷин  дар  нимаи аввали вохӯрӣ, дар  дақиқаи 44-ум ба нишон расонид.

Ҳамин тавр, футболбозони ҷавони тоҷик аз ҳуқуқи иштирок дар бозиҳои финалии Чемпионати ҷаҳон оид ба футбол-2019 (U-20) маҳрум гардиданд.

Ду бозии аввали чорякфиналииии  Чемпионати  Осиё-2018 миёни ҷавонони зери 19-сола 28-уми октябр доир шуд. Дастаи мунтахаби Ҷопон дастаи мунтахаби  Индонезияро бо ҳисоби 2:0 мағлуб кард. Голҳоро Шунки Ҳигашӣ (дақиқаи 40-ум) ва Таисеи Мияширо (дақиқаи 70-ум) ба ҳадаф  расонданд.

Дар бозии дигари чорякниҳоӣ мунтахаби Қатар дастаи Тайландро бо ҳисоби 7:3 шикаст дод.  Вақти  асосии ин вохӯрӣ  бо ҳисоби мусовии 3:3 ба поён расид. Голҳоро аз дастаи  Қатар Ҳошим Алӣ (дақиқаи 13-ум), Носир Ал-Язидӣ (21) ва Аҳмад Суҳайл (87), голҳои дастаи Тайландро Коравич Таса (48), Сакунчаи Сенгзофо (61) ва Зирапак Пруенгна (80) заданд.

Дар замони изофӣ қатариҳо чор гол зада, бозиро ба нафъи худ анҷом доданд. Абдулрашид Умар ду гол (дақиқаҳои 99-ум ва 117-ум), Халид Мансур (106) ва Юсуф Айман (120) якголӣ ба дарвозаи мунтахаби Тайланд ворид карданд.

Бозии охирини чорякниҳоии мусобиқаи қаҳрамонии Осиё-2018 миёни ҷавонони зери 19-сола бегоҳи имрӯз, 29-уми октябр, байни дастаҳои мунтахаби ҷавонони Арабистони Саудӣ ва Австралия баргузор мешавад.

Инак,  се дастаи ширкаткунандаи даври нимфиналӣ, ки рӯзи панҷшанбеи 1-уми ноябр доир мегардад, муайян гардиданд. Дар даври нимфиналӣ Қатар бо Кореяи Ҷанубӣ ва Ҷопон бо ғолиби ҷуфти Арабистони Саудӣ-Австралия рӯбарӯ мешаванд.

Чемпионати  Осиё-2018 оид ба футбол миёни ҷавонони зери 19-сола дар Индонезия 4-уми ноябр ба поён мерасад. Дастаҳои мунтахаби Қатар, Кореяи Ҷанубӣ ва Ҷопон, ки ба нимфинали  Чемпионати Осиё баромаданд, ба  Чемпионати ҷаҳон-2019 (U-20) роҳхат гирифтанд. Барои роҳхати чорум дастаҳои мунтахаби ҷавонони Арабистони Саудӣ ва Австралия мубориза мебаранд.

 

Октябрь 29, 2018 17:04

Хабарҳои дигари ин бахш

Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт