То соли 2030 ҳар як ҷавон бояд бо таҳсили босифат, касбомӯзӣ ва шуғли муносиб таъмин шавад
ДУШАНБЕ, 26.10.2018 /АМИТ «Ховар»/. Дар Тоҷикистон озмуни тарҳрезии лоиҳаҳо миёни ҷавонони эҷодкору навовар оғоз шуд.
Озмуни мазкур бо ташаббуси Кумитаи кор бо ҷавонон ва варзиши назди Ҳукумати ҷумҳурӣ ва дастгирии Хазинаи кӯдакони СММ (ЮНИСЕФ) дар Тоҷикистон роҳандозӣ гардида, мақсади асосии он беҳтар кардани таҳсил, касбомӯзӣ ва рушди малакаҳои насли ҷавон мебошад. Дар ин бора масъули равобити Хазинаи кӯдакони СММ (ЮНИСЕФ) дар Тоҷикистон Шуҳрат Шарифов ба АМИТ «Ховар» хабар дод.
Ба иттилои манбаъ, дар озмун ҷавонон ва наврасони аз 15 то 24-сола метавонанд иштирок намоянд. Инчунин онҳо имкон доранд дар шакли гурӯҳӣ иборат аз 3 то 5 нафар муттаҳид шуда, ба сомонаи Озмоишгоҳи инноватсионӣ – www.navovar.tj дархости онлайнии иштирок дар ин озмунро фиристанд.
Ба гуфтаи Шуҳрат Шарифов, иштирокчиён метавонанд лоиҳаҳои худро барои дарёфти роҳҳои ҳалли масоили ҷойдошта дар ду самт: «дастрасӣ ба донишу малакаро барои ҷавонони дорои маъюбият ва ҷавонон аз ноҳияҳои дурдасти кӯҳӣ чӣ гуна метавон беҳтар кард?» ва «чӣ гуна омодагии ҷавонони Тоҷикистонро ба талаботи муосири бозори меҳнат метавон беҳтар кард?» пешниҳод кунанд.
Баъд аз даври интихобии озмун нимаи дуюми моҳи ноябри соли равон дар Озмоишгоҳи инноватсионии шаҳри Душанбе ба иштирокчиён тренинги омӯзишию амалӣ бо истифода аз усули «ПЕШСАФ» (UPSHIFT) гузаронида шуда, дар ҷамъбасти чорабинии мазкур 5 лоиҳаи беҳтарин интихоб мегардад, ки раванди татбиқи онҳо маблағгузорӣ ва роҳнамоӣ хоҳад шуд.
Ташаббуси ҷаҳонии «Насли имконоти номаҳдуд» дар 16 мамлакати ҷаҳон, аз ҷумла, Тоҷикистон амалӣ мешавад. Баҳори соли 2019 лоиҳаҳои интихобшуда аз 16 кишвар бо мақсади муайянсозии пешниҳодҳои беҳтарин мавриди баҳодиҳии ҳайати коршиносони байналмилалӣ қарор мегиранд. Ин лоиҳаҳо бо маблағгузории иловагӣ таъмин шуда, барои татбиқи васеи онҳо барномаи инфиродии роҳнамоӣ фароҳам оварда мешавад. Ҳадафи асосӣ то соли 2030 бо таҳсили босифат, касбомӯзӣ ва шуғли муносиб таъмин кардани ҳар як ҷавон мебошад.
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
