Абубакр Исломзода дар Олимпиадаи байналмилалӣ оид ба арифметикаи зеҳнӣ соҳиби Шоҳҷоизаи озмуни «GeniusKids-2018» гардид
ДУШАНБЕ, 07.11.2018. /АМИТ «Ховар»/. Аз 2 то 5 ноябр дар шаҳри Москваи Федератсияи Россия Олимпиадаи байналмилалӣ оид ба арифметикаи зеҳнӣ— «GeniusKids-2018» баргузор гардид.
Тавре ба мухбири АМИТ «Ховар» аз Вазорати маориф ва илми Ҷумҳурии Тоҷикистон хабар доданд, дар олимпиадаи мазкур 400 нафар хонанда аз 12 давлати дунё иштирок намуданд. Ҷумҳурии Тоҷикистонро 40 нафар хонандагони муассисаҳои таҳсилоти миёнаи умумии кишвар намояндагӣ карданд.
Бино ба иттилои манбаъ, ба хонандагони тоҷик муяссар гардид, ки дар ин олимпиада 35 медал (8 медали тилло, 11 медали нуқра ва 16 медали биринҷӣ)-ро соҳиб шаванд. Аз байни 400 нафар иштирокчӣ Шоҳҷоизаи озмуни «GeniusKids-2018» насиби Абубакр Исломзода – хонандаи синфи 8 Литсей барои хонандагони болаёқати шаҳри Душанбе гардид.
Бояд иброз дошт, ки аз аввали соли 2018 хонандагони кишвар дар 19 олимпиадаи байналмилалӣ, ки дар давлатҳои Қазоқистон, Ҳиндустон, Руминия, Россия, Малайзия, Булғористон, Беларус, Ветнам, Италия, Иёлоти Муттаҳидаи Америка, Чехия, Словакия, Португалия, Япония ва Чин баргузор гардиданд, иштирок намуда, 248 медал (58 медали тилло, 86 медали нуқра ва 107 медали биринҷӣ) ба даст оварданд.
Ин шумора нисбат ба ҳамин давраи соли гузашта 115 медал (28 медали тилло, 43 медали нуқра ва 44 медали биринҷӣ) зиёд мебошад.
Дар шаҳру ноҳияҳои Суғд Фестивали ҷумҳуриявии дӯстии ҷавонон идома дорад
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
