Ҳайати Тоҷикистон таҳти роҳбарии Азим Иброҳим дар «Ҳафтаи Авруосиё»-и Созмони ҳамкории иқтисодӣ ва рушд иштирок дорад
ДУШАНБЕ, 21.11.2018 /АМИТ «Ховар»/. Ҳайати Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Азим Иброҳим дар «Ҳафтаи Авруосиё»-и Созмони ҳамкории иқтисодӣ ва рушд (СҲИР), ки 19 ноябр дар шаҳри Парижи Ҷумҳурии Франсия оғоз ёфт, иштирок дорад.
Тавре аз Вазорати рушди иқтисод ва савдои Ҷумҳурии Тоҷикистон ба АМИТ «Ховар» хабар доданд, дар ҳамоиши мазкур роҳбари ҳайати кишвар комёбӣ ва дастовардҳои даврони соҳибистиқлолии мамлакатро муаррифӣ менамоянд.
Зикр гардид, ки аз ҷониби Ҳукумати Ҷумҳурии Тоҷикистон бо мақсади рушди босуботи соҳаҳои иқтисодӣ ва иҷтимоии кишвар як қатор ҳуҷҷатҳои стратегӣ, аз қабили Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати Ҷумҳурии Тоҷикистон барои солҳои 2016-2020 қабул шудааст. Дар заминаи ин ҳуҷҷатҳо Ҳукумати ҷумҳурӣ ба натиҷаҳои назаррас ноил гардидааст. Аз ҷумла, суръати рушди солонаи иқтисодӣ дар сатҳи 7 фоиз таъмин гардида, Тоҷикистон тавонист дар даҳсолаи охир сатҳи камбизоатиро аз 53 то ба 30 фоиз расонад.
Илова бар ин, дар ин давра зиёда аз 2000 км роҳҳои мошингард, 190 км роҳи оҳан, 30 км нақб ва 93 адад пулҳо ба истифода дода шуданд. Чанд рӯз пеш агрегати аввали иншооти бузурги аср – НБО «Роғун» ба кор шурӯъ намуд, ки ин ҳам яке аз дастовардҳои бузурги даврони соҳибистиқлолии Тоҷикистон мебошад.
Ба иттилои манбаъ, ҳайати Тоҷикистон дар доираи сафар мулоқоту суҳбатҳо анҷом медиҳад. Аз ҷумла, дирӯз мулоқоти дуҷонибаи муовини Сарвазири Ҷумҳурии Тоҷикистон Азим Иброҳим бо Директори муносибатҳои байналмилалии СҲИР Андреас Шаал баргузор гардид.
Зимни он масъалаҳои ҳамкории дуҷониба, бахусус роҳҳои баланд гардонидани рақобатпазирии иқтисодиёт ва ҷалби сармояи хориҷӣ баррасӣ шуданд.
Дар Душанбе вобаста ба нақши саноати инноватсионӣ дар рушди иқтисоди миллӣ ҳамоиш доир гардид
Имрӯз дар Душанбе лоиҳаи «Баланд бардоштани устувории кишоварзӣ» баррасӣ гардид
Бахшида ба Рӯзи авиатсияи тоҷик дар Душанбе ҷамъомади тантанавӣ баргузор шуд
БАРОИ ПЕШРАФТИ ИҚТИСОДИ МАМЛАКАТИ КӮҲСОР — ТОҶИКИСТОН РУШДИ АВИАТСИЯ МУҲИМ АСТ. Дар ин маврид бо суръати баланд кашонидани бору расонидани мусофир таъмин мегардад
Имсол дар Тоҷикистон дар беш аз 16 ҳазор гектар кишти такрории шолӣ гузаронида шуд
ДАР СОЛҲОИ ИСТИҚЛОЛИ ДАВЛАТӢ СОҲАИ ҲАВОНАВАРДИИ ТОҶИКИСТОН РУШД ЁФТ. Ба Рӯзи авиатсияи тоҷик бахшида мешавад
НАҚШИ ПЕШВОИ МИЛЛАТ ДАР РУШДИ АВИАТСИЯИ ГРАЖДАНӢ БЕНАЗИР АСТ. Эҳдо ба Рӯзи авиатсияи граждании Тоҷикистон ва Рӯзи таъсисёбии Фурудгоҳи байналмилалии Хуҷанд
Дар Бонки миллии Тоҷикистон дар мавзуи муқовимат ба коррупсия ҳамоиш доир шуд
Сарвазири Ҷумҳурии Тоҷикистон Қоҳир Расулзода дар вилояти Хатлон ба як гурӯҳ кормандон мукофотҳои давлатӣ супорид
Аъзои хоҷагии деҳқонии «Мирраҳмат» имсол аз кишти пахта ҳосили хуб ба даст меоранд
Дар Тоҷикистон дар майдони беш аз 200 ҳазор гектар кишти такрорӣ гузаронида шуд
Тоҷикистон бо ташаббусҳои глобалӣ оид ба масоили обу иқлим ҷомеаи ҷаҳонро ба ҳалли буҳрони об даъват намуд
