Дар шаҳру ноҳияҳои Суғд ҳафтаи таҷлили Парчами миллӣ ҷараён дорад
ХУҶАНД, 22.11.2018. /АМИТ «Ховар»/. Дар шаҳру ноҳияҳои вилояти Суғд баҳри сазовор ва дар сатҳи баланд ҷашн гирифтани Рӯзи Парчами Ҷумҳурии Тоҷикистон ҳафтаи таҷлили он эълон гардида, дар ин самт корҳои муайян ҷараён доранд. Тибқи нақшаи чорабиниҳои мақомоти иҷроияи ҳокимияти давлатии вилоят, дар қаламрави 18 шаҳру ноҳияҳо бахшида ба ин сана барномаҳои оммавӣ-сиёсӣ ва фарҳангӣ доир гардида истодаанд.
Тавре ба АМИТ «Ховар» аз шуъбаи маорифи мақомоти иҷроияи ҳокимияти давлатии шаҳри Хуҷанд хабар доданд, ҳафтаи гузашта байни тарбиятгирандагони 38 муассисаи томактабии шаҳр бо мақсади баланд бардоштани ҳисси ватандӯстӣ, тарбияи хештаншиносӣ, эҳтиром ба арзишҳои миллӣ, инкишоф додани қобилияти эҷодкорӣ ва расмкашӣ озмуни шаҳрии «Парчами мо-парчами иқболи мо» гузаронида шуда, ғолибон бо туҳфаҳои хотиравӣ сарфароз гардонида шуданд.
Бино ба иттилои масъулини Мақомоти иҷроияи ҳокимияти давлатии вилоят, дар доираи ҳафтаи таҷлили Рӯзи Парчам дар ҳамаи муассисаҳои таълимию фарҳангӣ, хосса мактабҳои олӣ, омӯзишгоҳҳои санъат ва касбию техникӣ бо мақсади эҳтирому қадршиносӣ ба муқаддасоти миллӣ барномаҳои мухталиф, аз ҷумла вохӯрию суҳбат ва конфронсҳои илмию назариявӣ таҳти унвони «Парчами давлатӣ – рамзи ифтихори миллӣ», Рӯзи ягонаи ахбор дар мавзӯи «Эҳтироми рамзҳои давлатӣ – эҳтироми миллат аст», инчунин миёни хонандагони муассисаҳои таҳсилоти ҳамагонӣ озмуни иншои беҳтарин дар мавзӯи «Парчам рамзи давлатдории мост» гузаронида мешаванд.
Ҳамзамон дар варзишгоҳҳои шаҳру ноҳияҳо байни толибилмони мактабҳои миёна, литсею гимназия ва донишҷӯёни коллеҷҳову мактабҳои олӣ мусобиқаҳои мухталифи варзишӣ дар назар дошта шудаанд.
Барои насб кардани парчам ва шиору овезаҳо дар кӯчаву хиёбонҳо, биноҳои маъмурӣ ва баргузор намудани намоишҳои идона дар маркази вилоят бо иштироки фаъолон, сокинону меҳмонон ва неруи созандаи кишвар- ҷавонон корҳои амалӣ ба анҷом расида истодаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
