Дастаи мунтахаби бонувони Тоҷикистон мусобиқаи интихобии Бозиҳои олимпӣ-2020-ро бо ғалаба оғоз кард
ДУШАНБЕ, 5.11.2018 /АМИТ «Ховар»/. Дастаи мунтахаби бонувони Тоҷикистон оид ба футбол рақобатҳои марҳилаи муқаддамотии Бозиҳои олимпии-2020-ро дар гурӯҳи «А» бо пирӯзӣ оғоз кард.
Тавре аз Федератсияи футболи Тоҷикистон ба мухбири АМИТ «Ховар» Меҳрони Қурбон хабар доданд, ин рақобати ҷолиб дар ҳузури 20 ҳазор тамошобинон дар Варзишгоҳи марказии шаҳри Ҳисор доир шуд. Дар бозии аввалини хеш дастпарварони Сулаймон Бобокалонов дастаи мунтахаби бонувони Муғулистонро бо ҳисоби калони 4:1 мағлуб намуданд. Аз ҳайати дастаи мунтахаби бонувони Тоҷикистон голҳоро Мадина Фозилова, Гулсунбӣ Ҳалимова ва Лайло Ҳалимова ба ҳадаф расониданд.
Дар дидори дигар дастаи мунтахаби бонувони Филиппин бар дастаи мунтахаби бонувони Сингапур бо ҳисоби калони 9:0 ғолиб шуданд.
Ёдовар мешавем, ки даври дуюми мусобиқаи мазкур фардо, 6 ноябр байни дастаҳои мунтахаби бонувони Муғулистон бо Сингапур ва Тоҷикистон бо Тайбэйи Чин дар Варзишгоҳи марказии шаҳри Ҳисор баргузор мегардад.
Бозиҳо соатҳои 13-00 ва 16-00 оғоз мегарданд.
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ФУТБОЛ. Дастаи наврасони то 16-солаи Тоҷикистон ғолиби Чемпионати CAFA-2025 гардид
