Имрӯз дар Давлати Қатар Рӯзҳои фарҳанги Тоҷикистон расман оғоз мешаванд
ДУШАНБЕ, 23.11.2018. /АМИТ «Ховар»/. Тавре қаблан ттилоъ додем, ҳайати расмӣ ва эҷодии Рӯзҳои фарҳанги Ҷумҳурии Тоҷикистон 22 ноябр зери роҳбарии Вазири фарҳанги Ҷумҳурии Тоҷикистон Шамсиддин Орумбекзода ба Давлати Қатар сафар намуд.
Тавре хабарнигори АМИТ «Ховар» Тоҷиддини Ризвон аз Давлати Қатар иттилоъ дод, маросими ботантанаи Рӯзҳои фарҳанги Ҷумҳурии Тоҷикистон бегоҳи имрӯз, 24 ноябр дар шаҳри Давҳа бо роҳандозии барномаи консертӣ, намоиши мусаввараҳо, аксҳо ва ҳунарҳои мардумӣ ифтитоҳ меёбад.
Ба ҳайати эҷодии Рӯзҳои фарҳанги Ҷумҳурии Тоҷикистон дар Давлати Қатар ҳунармандон Давлатманди Хол, Хуҷастаи Мирзовалӣ, Фотима Машрабова, Ситораи Кароматулло, Амирҷон Рӯзиев, Дамирбек Олимов ва ҳунарпешаҳои Ансамбли рақсии «Парасту» шомиланд.
Ба иттилои хабарнигори мо, бегоҳи дирӯз ҳайати фарҳангии Тоҷикистон таҳти роҳбарии Вазири фарҳанги Ҷумҳурии Тоҷикистон Шамсиддин Орумбекзода аз осорхонаи Шайх Файсал ибни Қосим Оли Сонӣ дидан намуд. Меҳмонони тоҷикистонӣ зимни боздид аз осорхона бо мусаввараҳо ва ёддоштҳои таърихии Давлати Қатар шинос шуданд.
Баъди боздид аз осорхона аз ҷониби Давлати Қатар ба шарафи меҳмонони тоҷик зиёфат ороста шуд. Ҳангоми зиёфат бо дархости вазири фарҳанги ин давлат ҳунармандони тоҷик сурудҳо замзама карданд, ки писанди хотири мизбонон гардид.
Тавре Тоҷиддини Ризвон хабар дод, аз дирӯз инҷониб дар рӯзномаҳо ва расонаҳои хабарии ин мамлакат вобаста ба баргузории Рӯзҳои фарҳанги Ҷумҳурии Тоҷикистон дар Давлати Қатар мақолаҳо ба нашр расида истодаанд.
Ба иттилои манбаъ, рӯзҳои 25 ва 26 ноябр дар Маҷмааи «Қатар Молл»-и ин давлат баргузории барномаҳои ҳунарӣ аз ҷониби ҳунармандони тоҷик дар назар аст.
Мавриди зикр аст, ки Рӯзҳои фарҳанги Ҷумҳурии Тоҷикистон дар Давлати Қатар дар таърихи Тоҷикистони соҳибистиқлол бори аввал гузаронида шуда, то 28 ноябри соли 2018 идома меёбанд.
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
«ЛИБОСИ МИЛЛӢ – НИШОНИ ТАМАДДУН ВА ФАРҲАНГИ МИЛЛӢ». Дар шаҳри Норак фестивали ҷумҳуриявӣ доир гардид
Дар Тоҷикистон зиёда аз 100 ёдгориҳои таърихию меъмории нав бозёфт гардиданд
Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
Дар ҳудуди ноҳияи Шамсиддини Шоҳин шаҳраки қадимаи асри миёнагии Хутали қадим — шаҳри Андичароғ бозёфт гардид
«АНДАЛЕБ-2025». Ҳаваскорони ноҳияи Шоҳмансури шаҳри Душанбе соҳиби Шоҳҷоизаи Фестивал-озмун гардиданд
Китоби дарсии «Асосҳои давлат ва ҳуқуқи Ҷумҳурии Тоҷикистон» барои синфи 8 дар таҳрири нав ба нашр расид
Оид ба ҳамкории Тоҷикистон ва Русия дар соҳаи илм ва маориф конференсияи байналмилалии илмӣ баргузор шуд
Дар ноҳияи Темурмалик тақсими «Шоҳнома»-и Абулқосим Фирдавсӣ оғоз гардид
