«ИСТИҚЛОЛ» — ДАР ЛИГАИ ЧЕМПИОНҲО! Чемпиони феълии Тоҷикистон бори аввал дар маъруфтарин мусобиқаи даставӣ ширкат меварзад
ДУШАНБЕ, 19.11.2018./АМИТ «Ховар»/. Чемпиони феълии Тоҷикистон — дастаи футболи «Истиқлол» (Душанбе) дар мавсими нав бори аввал дар маъруфтарин мусобиқаи даставии қора — Лигаи чемпионҳои Осиё иштирок мекунад.
Барои баромадан ба марҳилаи гурӯҳии мусобиқа чемпиони Тоҷикистонро зарур аст, ки дар марҳилаи муқаддамотӣ аввал бар клуби АГМК аз Ӯзбекистон ва баъдан дар марҳилаи плей-офф бар клуби «Ал-Наср»-и Арабистони Саудӣ ғолиб барояд.
Конфедератсияи футболи Осиё имрӯз 14 ноябр федератсияҳои миллиии футболро оид ба тартиби баргузории марҳилаи муқаддимотии мусобиқа бохабар сохт.
Чемпиони Тоҷикистон дар марҳилаи якуми муқаддимотӣ бояд бо дастаи футболи «Ал-Муҳаррақ»-и Баҳрайн рақобат мекард. Аммо бо сабаби аз талаботҳои литсензиядиҳӣ нагузаштани клуби футболи Баҳрайн чемпиони мо ҳунарнамоияшро аз марҳилаи дуюми муқаддимотӣ шуруъ мекунад. Дар ин марҳилаи мусобиқа рақиби «Истиқлол» барандаи Ҷоми Ӯзбекистон — клуби футболи АГМК мебошад. Бозӣ рӯзи 12 феврал дар шаҳри Олмалиқи Ӯзбекистон доир мешавад.
Дар сурати ба комёбӣ расидан дар ин бозӣ чемпиони Тоҷикистон дар марҳилаи плей-оффи мусобиқа барои ҳамроҳ шудан ба марҳилаи гурӯҳӣ рӯзи 19 феврал дар сафар бо клуби футболи «Ал-Наср»-и Арабистони Саудӣ қувва меозмояд.
Дар сурати ба марҳилаи гурӯҳии Лигаи чемпионҳои Осиё-2019 роҳ ёфтани «Истиқлол» клуби футболи «Регар-ТадАз», ки имсол дар Лигаи олии Тоҷикистон мақоми чорумро касб кард, ба марҳилаи гурӯҳии Ҷоми КФО-2019 роҳ меёбад. Зеро дастаи футболи «Кӯктош»-и ноҳияи Рӯдакӣ, ки ҷои сеюмро дар Лигаи олии имсола ишғол кардааст, аз санҷиши литсензиядиҳии бошгоҳии Конфедератсияи футболи Осиё нагузаштааст.
Лигаи чемпионҳои КФО-2019
Марҳилаи дуюми муқаддимотӣ
12 феврал (сешанбе)
АГМК (Узбекистон) – «ИСТИҚЛОЛ» (ТОҶИКИСТОН)
Плей-офф
19 феврал (сешанбе)
«Ал-Наср» (Арабистони Саудӣ) – Ғолиби ҷуфти АГМК (Узбекистон)/«ИСТИҚЛОЛ» (ТОҶИКИСТОН)
Дар ин мусобиқаи мушкил ба «Истиқлол» барору комёбӣ таманно мекунем!








Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд






