Ҳангоми тоза кардани роҳи «Хоруғ-Ишкошим» ду нафар нигоҳдори қисмати ин роҳ ба ҳалокат расиданд
ДУШАНБЕ, 18.01.2018. /АМИТ «Ховар»/. Дирӯз, 17 январи соли равон соати 16:30 ба вақти маҳаллӣ дар километри 32-юми мавзеи Баржири Ҷамоати деҳоти Аскар Замирови ноҳияи Ишкошим ҳодисаи нохуш ба амал омад. Зимни тоза кардани роҳ ногаҳон аз кӯҳ тарма фаромада, се нафар корманди Муассисаи нигоҳдории роҳҳои мошингарди ноҳияи Ишкошим зери тарма мемонанд. Дар натиҷа ду нафари он дар ҷойи ҳодиса ба ҳалокат расида, як нафар наҷот дода мешавад.
Дар ин бора ба мухбири АМИТ «Ховар» аз Раёсати Кумитаи ҳолатҳои фавқулода ва мудофияи гражданӣ дар Вилояти Мухтори Кӯҳистони Бадахшон иттилоъ доданд.
Ба иттилои манбаъ, нафарони фавтида- нигоҳдорони қисмати ин роҳ-падару писар Ақризобек Уталбекови 64- сола ва Мастулбек Уталбекови 41-сола, сокинони деҳаи Андароби ноҳияи Ишкошим буда, ба тоза кардани ҷодаи «Хоруғ-Ишкошим» машғул буданд.
Ронандаи техникаи роҳтозакунии Муассисаи нигоҳдории роҳҳои мошингарди ноҳияи Ишкошим Амирбек Шодмонбеков, соли таваллудаш 1967 аз зери тарма наҷот дода шуда, сари вақт ба беморхона интиқол гардид.
Мавриди зикр аст, ки роҳи мошингарди «Хоруғ-Ишкошим» дар вилоят хавфноктарин масир, хусусан дар фасли сармо барои роҳсозон дониста мешавад.
Ёдовар мешавем, ки нимаи дуюми 16 январ бинобар фаромадани тарма дар даромадгоҳи ноҳияи Шуғнон се манзили истиқоматӣ хароб гардида буданд.
Ба Раёсатҳои захираҳои оби минтақаҳои ҳавзавии Вахш ва Панҷ нақлиёти нави барқӣ тақдим гардид
МАСЛИҲАТИ МУТАХАССИС. Истеъемоли биҳӣ мушкилоти ҳозима, аз ҷумла қабзиятро кам мекунад
Дар муассисаҳои тандурустии шаҳру ноҳияҳои Тоҷикистон усулҳои нави ҷарроҳӣ гузаронида мешавад
Имсол 39 нафар занони ҳунарманди вилояти Суғд соҳиби гранти президентӣ гардиданд
Дар шаҳри Копенгаген масъалаҳои саломатии кӯдакон ва ҳаёти солим баррасӣ гардид
Дар Душанбе ҷаласаи хотимавии «Муколамаи занони Осиёи Марказӣ» баргузор мегардад
35-СОЛАГИИ ИСТИҚЛОЛИ ДАВЛАТӢ. Истироҳатгоҳи «Санги сипар» дар Панҷакент барқарор карда мешавад
Дар Суди Олӣ оид ба нақши Конститутсия дар таҳкими давлати демократию ҳуқуқбунёд конференсия баргузор шуд
Бахшида ба Рӯзи Конститутсия бо иштироки судяҳо конфронси ҷумҳуриявии илмӣ-амалӣ баргузор гардид
«КОНСТИТУТСИЯ- ШОҲСУТУНИ ДАВЛАТИ ОБОДИ МО». Таҳти ин унвон дар Кумитаи хоҷагии манзилию коммуналӣ ҳамоиш доир гардид
Ҳаракати навбатии пиряхи Деҳдал мушоҳида гардид
Дар Академияи миллии илмҳо бахшида ба 31-солагии Конститутсия конференсияи илмию амалӣ баргузор шуд
