ДАРАХТ БИНШОН! Дар Суғд 90 гектар боғҳои интенсивӣ бо истифода аз ниҳолҳои қадпаст бунёд мегарданд
ХУҶАНД, 08.01.2019 /АМИТ «Ховар»/. Имрӯзҳо дар шаҳру ноҳияҳои вилояти Суғд дар доираи иҷрои дастуру супоришҳои Сарвари давлат оид ба иҷрои “Барномаи рушди соҳаи боғу токпарварӣ барои солҳои 2016-2020” ва вусъат бахшидан ба корҳои ниҳолшинонӣ дар ноҳияҳои иқлимашон мусоид корҳои ниҳолшинонӣ бомаром идома доранд.
Тавре мудири шуъбаи истеҳсолии Сарраёсати кишоварзии вилояти Суғд Абдуазиз Маҳмудзода ба хабарнигори минтақавии АМИТ «Ховар» иттилоъ дод, дар вилоят вобаста ба иқлими ноҳияҳо дар ду марҳила ниҳол шинонида мешавад, яъне моҳҳои ноябр – декабр меваҳои донакдору тухмакдор ва аввали баҳорон ниҳолҳои гармидӯст, чун хурмо, анор, анҷир, меваҳои ситрусӣ ва ғайра.
Ба иттилои манбаъ, дар мавзеъи Рухаки Ҷамоати деҳоти Ғозиёни ноҳияи Бобоҷон Ғафуров дар майдони 40 га шинонидани ниҳолҳои бодом ва дар ҳамин минтақаи Ҷамоати Деҳмойи ноҳияи Ҷаббор Расулов дар майдони 3 га шинонидани ниҳолҳои зардолу ва шафтолу бомаром идома дорад.
Инчунин дар доираи иҷрои “Барномаи давлатии рушди соҳаи боғу токпарварӣ” дар ҳамин мавзеи Рухаки Ҷамоати Деҳмойи ноҳияи Ҷ.Расулов, дар заминҳои ҶДММ “Ганҷи ҳилол” бунёди 21 га боғҳои нав ва дар майдони 8 гектар барқароркунии боғҳои кӯҳна низ пешбинӣ гардидааст.
Имрӯзҳо баҳри таъмин ва харидорӣ намудани навъҳои гуногуни ниҳолу тухмиҳо аз ҷониби хоҷагиҳои кишоварзӣ, инчунин ташкилоту муассисаву аҳолӣ дар шаҳру ноҳияҳои вилояти Суғд, чун Ашт, Бобоҷон Ғафуров, Зафаробод, Истаравшан, Панҷакент ва Шаҳристон 6 адад хоҷагиҳои давлатии ниҳолпарварӣ фаъолият доранд.
Ҳамзамон дар филиали суғдии Институти боғдориву сабзавоткории Академияи илмҳои кишоварзии Тоҷикистон низ мутахассисони соҳа ба парвариши ниҳолҳои гуногуни мевадиҳандаи ба иқлими ноҳияҳои вилояти Суғд мутобиқ машғуланд. Ҳоло дар филиали мазкур барои мавсими ниҳолшинонӣ беш аз 10 ҳазор бех ниҳолҳои қадпасти зардолуву шафтолуву олу омода карда шудаанд.
Дар маҷмӯъ, дар миқёси вилояти Суғд дар доираи амалинамоии Барномаи давлатӣ оид ба бунёди боғу токзори нав давоми 5 сол бояд, ки дар майдони 90 гектар бо истифода аз ниҳолҳои қадпаст боғҳои интенсивӣ бунёд карда шаванд. Аз ин ҳисоб бунёди 20 гектари он соли 2019 пешбинӣ гардидааст.
35-СОЛАГИИ ИСТИҚЛОЛИ ДАВЛАТӢ. Дар Хатлон 1411 иншоот ба истифода дода шуд
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
