ДАРАХТ БИНШОН! Дар шаҳри Ҳисор кӯчати 60 ҳазор қаламчаи гули садбарг муташаккилона идома дорад
ҲИСОР, 12.01.2019. /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дар шаҳри Ҳисор корҳои ободонию созандагӣ бомаром идома доранд. Бо ин мақсад аз ҳавои мусоид истифода бурда, рӯзҳои шанбею якшанбеи ҳар ҳафта дар ҷамоатҳои шаҳраку деҳот, корхонаву идораҳо ва муассисаҳои давлативу ғайридавлатӣ бо иштироки доираи васеи аҳолӣ ҳашарҳои дастаҷамъона гузаронида мешаванд.
Тибқи иттилои мудири шуъбаи ҳифзи муҳити зисти шаҳри Ҳисор Насрулло Маҳмадализода, то имрӯз дар маркази шаҳр, ҷамоатҳои шаҳраку деҳот ва шоҳроҳи Душанбе-Ҳисор зиёда аз 3000 бех дарахтони ороишӣ шинонида шудаанд. Барои гулпӯш намудани канори роҳу гулгаштҳои шаҳр зиёда аз 60 ҳазор қаламчаи гули садбарг омода шуда, кӯчати он низ муташаккилона идома дорад. Ҳамчунин ҳашарчиён шурӯъ аз маркази шаҳр то беморхонаи марказӣ дар ду канори роҳ дарахт шинонида, бехи гулу буттаҳои ороиширо нарм кардаанд.
Масъулини шаҳри Ҳисор мегӯянд, ки бо мақсади беҳтар намудани вазъи санитарию экологии маҳаллаҳо ва соҳили дарёву каналҳои асосии шаҳр бо қарори раиси шаҳр аксияҳои «Тозагии маҳал» ва «Тозагии соҳил» эълон гардиданд.
Аксияҳои мазкур то охири соли 2019 идома ёфта, дар ҷамъбасти онҳо ҷамоатҳои фаъол сазовори туҳфаҳои хотиравӣ ва сипосномаҳои раиси шаҳр мегарданд.
Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
