Намояндагони ҲХДТ дар шаҳри Уфа Паёми Пешвои миллатро ба ҳамватанонамон тавзеҳ доданд
ДУШАНБЕ, 21.01.2019 /АМИТ «Ховар»/. Бо мақсади фаҳмонидани нуктаҳои асосии Паёми Пешвои миллат ба Маҷлиси Олии Ҷумҳурии Тоҷикистон ба ҳамватанонамон, ки дар Ҷумҳурии Бошқирдистони Федератсияи Россия фаъолият доранд, гурӯҳи намояндагони ҲХДТ бо сафари корӣ ба шаҳри Уфа рафтанд.
Бо мусоидати консули генералии Ҷумҳурии Тоҷикистон дар Уфа Саид Эмом ва сармутахассиси шуъбаи ҳуқуқи Вазорати меҳнат, муҳоҷират ва шуғли аҳолии ҷумҳурӣ дар Приволже Бахтиёри Ятим намояндагони ҲХДТ дар шаҳру вилоятҳои Бошқирдистон суҳбату мулоқот доир намуда, зимни онҳо оид ба сазовор пешвоз гирифтани ҷашни миллӣ- 30-солагии Истиқлолияти давлатии Ҷумҳурии Тоҷикистон, тарғиби манзараҳои зебои мамлакат ва ҷалби сайёҳон ба кишвари офтобиамон, нақши муносиб гузоштани соҳибкорони тоҷик дар рушду нумӯи сарзамини аҷдодӣ ва дар ин замина номбардори номи неки миллату Ватан будан сухан гуфтанд.
Ҳадаф аз баргузории чунин вохӯриҳо, пеш аз ҳама, ба ҳамватанон баён доштани нақши таърихии Пешвои миллат дар таҳкими сулҳу субот ва рушди бесобиқаи Ватан, нуктаҳои созанда ва дурнамои Паёми Пешвои миллат дар бораи эълони 300 рӯзи ислоҳот ва дастгирии соҳибкорон барои пешрафти Тоҷикистон, рушди маҳал, ки ободии мамлакат аз ободии ҳар як гӯшаи он оғоз мегардад, рушди ҳунарҳои мардумӣ ва ҷалби сайёҳони хориҷӣ ба Тоҷикистони сар ба домони гардун мебошад.
Дар доираи «Сратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020» ва пешгирии ҳолатҳои шомилшавии ҷавононе, ки аз Тоҷикистон ба муҳоҷирати меҳнатӣ мераванд, ба ҳизбу созмонҳои экстремистию террористӣ вохӯрии намояндагони ҲХДТ ва консулгарӣ, намояндагии Вазорати меҳнат, муҳоҷират ва шуғли аҳолии ҷумҳурӣ дар Приволже бо доираи васеи ҷавонони тоҷик ва соҳибкорону донишҷӯён баргузор гардид.
Меҳмонон таъкид карданд, ки имрӯз вақти он расидааст, ки ҳар як ҷавон бояд ҳушёрии сиёсиро аз даст надода, амиқ дарк кунад, ки мақсади гурӯҳҳои террористӣ нооромии ҷомеа ва барои ҳадафҳои нопоки худ қурбон намудани ҷавонони гумроҳ мебошад.
Барои ҳалли мушкилоти мавҷуда Ҳукумати Тоҷикистон дар ҳама вилоятҳои бузурги Федератсияи Россия сафорат, консулгариҳо ва намояндагиҳои Вазорати меҳнат, муҳоҷират ва шуғли аҳолиро таъсис додааст, ки ҳамватанони мо метавонанд пайваста ба онҳо муроҷиат намоянд.
Садбарги БОҚӢ,
хабарнигори махсуси АМИТ «Ховар»,
Бошқирдистон, ФР
Ҷойгоҳи паёмҳои Президенти Тоҷикистон дар таъсиси ниҳодҳои хос оид ба ҳифзи ҳуқуқи инсон назаррас аст
Расман ба Феҳристи репрезентативии мероси фарҳанги ғайримоддии башарият ворид гардидани ҷашни Меҳргон ифтихор аст
ШАБАКАҲОИ ИҶТИМОӢ ВА НАВРАСОН. Дар ин фазо кӣ ва ё чиро мебояд назорат кард?
Дар Тоҷикистон корҳои омодагӣ ба Конференсияи байналмилалии сатҳи баланд оид ба «Соли байналмилалии ҳифзи пиряхҳо» идома доранд
ПАРЧАМЕ, КИ БАЛАНД АСТ ВА САРИ МОРО ҲАМЕША БАЛАНД МЕДОРАД. Андешаҳои Шоири халқии Тоҷикистон Камол Насрулло дар ин хусус
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
ПАРЧАМИ ДАВЛАТӢ ДАР КУҶО БОЯД НАСБ КАРДА ШАВАД? Вакили Маҷлиси намояндагон ба ин савол посух дод
ИСТИҚЛОЛИЯТ БА ТОҶИКИСТОН ЭМОМАЛӢ РАҲМОН – СИЁСАТМАДОРИ САТҲИ ҶАҲОНИРО ДОД. Эътироф ва тафсири мақоми шоистаи Пешвои миллат аз ҷониби шахсиятҳои ҷаҳон
16 — НОЯБР РӮЗИ ПРЕЗИДЕНТ. Нигоҳе ба таҳаввул ва ташаккули ниҳоди президентӣ дар Тоҷикистон
ТАШАББУСҲОИ ТОҶИКИСТОН — ҲАЛЛИ МУШКИЛОТИ ДАР ПЕШОРӮИ ҶОМЕАИ ҶАҲОНӢ ҚАРОРДОШТА. Эҳдо ба Рӯзи Президент
ИДОРАКУНИИ ПРЕЗИДЕНТӢ – шакли муассири идоракунии давлатӣ ва равнақбахши Тоҷикистони соҳибистиқлол
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
