ДАРАХТ БИНШОН! Дар шаҳру ноҳияҳои Суғд корҳои ободониву ниҳолшинонӣ вусъат меёбанд
ХУҶАНД, 02.02.2019. /АМИТ «Ховар»/. Тибқи нақшаи баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021 якшанбеи якуми моҳи феврал дар шаҳри Душанбе намоиши ниҳолҳо таҳти унвони «Самараи умри деҳқон» баргузор мегардад.
Дар робита ба ин ва ба истиқболи 30-солагии Истиқлолияти давлатии Ҷумҳурии Тоҷикистон дар вилояти Суғд 1300 рӯзи меҳнати зарбдор эълон гардидааст. Имрӯзҳо дар ин замина корҳои ободонӣ, маъракаи ниҳолшинонӣ ва сарсабзу хуррам гардонидани кӯчаву маҳалҳо дар шаҳру ноҳияҳои вилоят бомаром идома доранд.
Мавриди зикр аст, ки дар ин кори хайр ва ободониву бунёдкорӣ фаъолону сокинони касбу кори гуногуни шаҳру ноҳияҳо бо шукргузорӣ аз пойдории сулҳу ваҳдат ва фазои осудаи кишвар дастаҷамъона заҳмат мекашанд.
Бино ба иттилои хабарнигори минтақавии АМИТ «Ховар», бо такя ба иттилои масъулини Сарраёсати кишоварзии вилоят дар Ҷамоати деҳоти Деҳмой ва Ҷамоати шаҳраки Меҳрободи ноҳияи Ҷаббор Расулов бо иштироки бевоситаи раиси вилояти Суғд Раҷаббой Аҳмадзода ҳашари умумии ниҳолшинонӣ доир гардид. Дар ин рӯз дар ҷамоатҳои зикршуда аз тарафи сокинон ва ҷомеаҳои меҳнатӣ қариб 500 бех ниҳолҳои ороишӣ шинонида шуданд.
Ҳамчунин дар заминҳои доманакӯҳи деҳаи Ниёзбеки Ҷамоати деҳоти ба номи Эргаш Шарипов ва деҳаи Кӯчкаки Ҷамоати деҳоти ба номи Раҷаб Ҳамробоеви ноҳияи Конибодом низ бо иштироки Раиси вилоят ва фаъолону куҳансолони ин ҷамоатҳо маъракаи ниҳолшинонӣ баргузор гардид.
Ҳамазамон ин амали хайру ободкорӣ дар кӯчаи Саиднофеъ Саидвалиеви маҳаллаи Чашмаи Арзанаи шаҳри Хуҷанд бо ҷалби ҳашарчиён ва роҳбарияти вилоят ҷараён гирифта, дар ин рӯз қад-қади кӯчаи мазкур беш аз 100 адад ниҳолҳои навъи ардач шинонида шуданд.
Дар маркази ноҳияи Мастчоҳ низ бо иштироки масъулони ноҳия ва кормандони КДФ “Хоҷагии манзилию каммуналӣ”-и ноҳия дарахтони ороишӣ, чун “Санавбари сибирӣ”, “Дроки испанӣ”, “Бручина” ва “Можавелник” бо иштироки васеи аҳли шаҳрак шинонида шуданд.
Бояд зикр кард, ки ҳоло бо наздик омадани фасли баҳор баргузории чунин маъракаҳо дар дигар минтақаҳои вилоят низ идома дорад.
Ҳайати Бонки миллии Тоҷикистон бо фаъолияти филиали Бонки федералии Олмон – Бундесбонк шинос гардид
Дар таъмиру таҷдиди роҳи Душанбе-Чанок дар маҷмуъ тақрибан 347 ҳазор тонна асфалт истифода шудааст
Нақшаи амали татбиқи Ёддошти тафоҳум байни вазоратҳои молияи Тоҷикистон ва Қирғизистон оид ба ҳамкорӣ ба мувофиқа расид
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
ИҚДОМИ САБЗ. Чоҳи амудии ноҳияи Мастчоҳ беш аз 5 гектар заминҳои ниҳолпарвариро бо оби доимӣ таъмин менамояд
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
