Насим Олимзода: «То соли 2021 тибқи супориши Президенти Ҷумҳурии Тоҷикистон 560 муассисаи тандурустӣ таъмиру навсозӣ карда мешаванд»
ДУШАНБЕ, 08.02.2019. /АМИТ «Ховар»/. То соли 2021 тибқи супориши Президенти Ҷумҳурии Тоҷикистон муҳтарам Эмомалӣ Раҳмон бояд 560 муассисаи тандурустӣ таъмиру навсозӣ карда шаванд. Матлаби мазкурро имрӯз зимни нишасти матбуотӣ Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода баён намуд.
Н.Олимзода ҳамчунин иброз дошт, ки барои таъмири ин иншоот маблағҳои буҷетӣ ҷудо гардида бошанд ҳам, дар назар аст, ки дар доираи маблағҳои грантии бонкҳои ҷаҳонӣ, олмонии рушд, осиёии рушд, исломии рушд, Алянси глобалии ваксинатсия ва иммунизатсия зиёда аз 90 муассиса таъмиру барқарор карда шаванд.
Ҳамчунин зимни нишасти имрӯза зикр карда шуд, ки дар доираи лоиҳаҳои инвеститсионӣ соли 2018 дар зиёда аз 120 муассисаи кумаки аввалини тиббию санитарӣ ва зиёда аз 20 шуъбаҳои беморхонаҳои ноҳиявӣ корҳои таъмирию сохтмонӣ анҷом дода, 4 корхонаи хусусии коркарду истеҳсоли маводи доруворӣ ва молҳои тиббӣ аз гиёҳҳою ашёи ватанӣ ва 586 ҳуҷраҳо барои гузаронидани хатна ташкил гардиданд.
Дар ҳамкорӣ бо Бонки ҷаҳонӣ дар доираи Лоиҳаи «Беҳтаркунии хизматрасонии тиббӣ» 20 маркази саломатии деҳот дар шаҳру ноҳияҳои пилотӣ таъмиру навсозӣ гардиданд. Ин марказҳо пурра бо таҷҳизоту дастгоҳҳои ташхисӣ ва нақлиёти санитарӣ таъмин гардида, мавриди истифода қарор дода шуданд.
Соли 2019 дар назар аст, ки дар доираи ин лоиҳа боз 17 маркази саломатӣ ба истифода дода шавад.
Ба сокинони аз офатҳои табиӣ зарардидаи ноҳияи Фархор кумак расонида шуд
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
