«СИДҚАН СИПОСГУЗОРЕМ!». Роҳбарияти КФ «Истиқлол» ба мухлисони худ, ки барои ҳаводории даста ба Олмалиқи Ӯзбекистон рафтанд, изҳори миннатдорӣ намуд

Февраль 13, 2019 13:23

ДУШАНБЕ, 13.02.2019. /АМИТ «Ховар»/. Тавре дирӯз хабар додем, дастаи футболи «Истиқлол»-и Душанбе 12 феврал дар сафар дар бозии марҳилаи муқаддимотии Лигаи чемпионҳои АФК-2019 бо  дастаи АГМК-и Ӯзбекистон вохӯрда, бозиро  бо ҳисоби 2:4 бохт. Қобили зикр аст, ки чемпиони Тоҷикистон дар ҷараёни бозӣ ду маротиба бо ҳисоби 1:0 ва 2:1 ба пеш баромад, вале пирӯзиро нигоҳ дошта натавонист.

Барои ҳаводорӣ ба дастаи дӯстоштаи худ теъдоди зиёди мухлисони   дастаи мо  ба шаҳри Олмалиқи Ӯзбекистон рафтанд ва то лаҳзаи охирин «Истиқлол»-ро дастгирӣ намуданд. Имрӯз роҳбарияти даста тариқи сомонаи худ ба онҳо изҳори миннадорӣ намуда, чунин нигоштааст:

«Клуби футболи «Истиқлол» барои дастгирии ҳамаҷониба дар бозӣ муқобили АГМК ба шумо, мухлисони гиромӣ миннатдории самимонаи худро баён менамояд. Мо аз ҳамаи он мухлисоне, ки садҳо километр роҳро паймуда, ба дастгириямон омаданд, сидқан сипосгузорем. Ба ҳамаи онҳое низ, ки дар хона пеши оинаи нилгун нишаста, моро ҷонибдорӣ карданд, изҳори ташаккур мекунем.

Афсӯс, ки дар бозии охир муваффақ нашудем натиҷаи хубро ба даст оварда, шуморо хурсанд созем. Аммо, дар ҷои худ наистода, кӯшиши пешравӣ карданро дорем. Ба қарибӣ бозиҳои марҳилаи гуруҳии Ҷоми АФК-2019 оғоз мешаванд ва «Истиқлол» барои дар ин мусобиқа хурсанд намудани  мухлисони худ тамоми талошҳоро хоҳад кард».

Февраль 13, 2019 13:23

Хабарҳои дигари ин бахш

Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд