Дар Берлин Иди Наврӯзро ҷашн гирифтанд

Март 28, 2019 09:50

ДУШАНБЕ, 28.03.2019. /АМИТ «Ховар»/.  Дар шарҳи Берлини Германия бахшида ба таҷлили ҷашни Наврӯз ҳамоиши муштарак баргузор гардид. Ҳамоиш бо иштироки Сафорати Тоҷикистон дар Германия ва дигар кишварҳои ҳавзаи Наврӯз зери сарпарастии Фиристодаи Ҳукумати федеролӣ оид ба масоили фарҳанг ва матбуот баргузор гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.

Тавре Сафири Тоҷикистон дар Германия Соҳибназар Ғайратшо иброз дошт, Наврӯз 3000 сол инҷониб ҳамчун иди баҳор аз тарафи 300 миллион нафар аҳолии кишварҳои дунё, аз ҷумла Тоҷикистон таҷлил мегардад. Иди Наврӯз 30 сентябри соли 2009 ба Рӯйхати мероси ғайримоддии инсоният (ЮНЕСКО) ворид гардида, соли 2010 дар асоси  Қатъномаи Маҷмаи умумии СММ ҳамчун рӯзи байналмилалӣ эътироф гардид.

Сафорати Тоҷикистон бо баргузории барномаи фарҳангӣ ва ташкили гӯшаи иттилоотӣ сиёсати пешгирифтаи Президенти Тоҷикистон ва Ҳукумати кишварро дар самти беҳтар намудани некӯаҳволии мардум дар мисоли Солҳои рушди деҳот, сайёҳӣ ва ҳунарҳои мардумӣ эълон шудани солҳои 2019-2021, инчунин роҷеъ ба ташаббусҳои байналмилалии Тоҷикистон пешкаши иштирокдорон намуд. Дар ин росто, таҳия ва пешниҳоди «Наврӯзнома» оид ба махсусиятҳои ҷашни Наврӯз дар Тоҷикистон таваҷҷуҳи хоси иштирокдоронро ҷалб намуд.

Дар ҳамоиш тоҷикони муқими Германия ва Аврупо, аз ҷумла аъзои Ҷамъияти дӯстии Тоҷикистону Германия, олимон, ҳунармандон, ҳамватаноне, ки дар ин кишвар зиндагӣ, фаъолият ва таҳсил мекунанд, бо аъзои оилаҳои худ ширкат варзиданд.

Директори Форуми Ҳумболдт ва осорхонаҳои давлатии Берлин  Ларс Кох зимни суханронии худ баргузории чунин чорабиниҳои муштаракро барои боз ҳам ҷаззобтар шудани шаҳри Берлин ва имконоти фарҳангии он муҳим хонда, чунин ҷашнҳоро пайвандгари миллатҳо номид.

Март 28, 2019 09:50

Хабарҳои дигари ин бахш

Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд