Дар Москва ҷаласаи навбатии Кумитаи сардорони ситодҳои генералии кишварҳои ИДМ баргузор мегардад
ДУШАНБЕ, 14.03.2019. /АМИТ «Ховар»/. Сардори Ситоди генералии Қувваҳои Мусаллаҳи Ҷумҳурии Тоҷикистон, муовини аввали Вазири мудофиаи Ҷумҳурии Тоҷикистон, генерал-лейтенант Эмомалӣ Собирзода дар ҷаласаи навбатии Кумитаи сардорони ситодҳои генералии қувваҳои мусаллаҳи ҳашт кишвари ИДМ, ки имрӯз дар шаҳри Москваи Федератсияи Россия баргузор мегардад, иштирок менамояд. Дар ин бора АМИТ «Ховар» бо истинод ба Вазорати мудофиаи Ҷумхурии Тоҷикистон иттилоъ медиҳад.
Дар ҷаласа ҳамчунин намояндагони Озарбойҷон, Арманистон, Беларус, Қазоқистон, Қирғизистон ва Ӯзбекистон ширкат меварзанд.
Зимни ҷаласа, ки таҳти раёсати сардори ситоди генералии Қувваҳои Мусаллаҳи Федератсияи Россия Валерий Герасимов доир мегардад, маҷмӯи масъалаҳои ҳамкории низомӣ ва амниятии мавриди таваҷҷуҳи тарафайн баррасӣ карда мешавад.
Ҳамчунин масоили рушди ҳамкорӣ дар самти истифодаи ҳавопаймоҳои бесарнишин, муқовимат бо онҳо ва таъмини топографии қувваҳои мусаллаҳ муҳокима хоҳанд шуд.
Зимни сафари Э. Собирзода ҳамчунин вохӯриҳои дуҷониба ӯ бо намояндагони дигар кишварҳои ИДМ пешбинӣ шудаанд, ки дар ҷараёни онҳо масоили рушди минбаъдаи ҳамкорӣ ва дурнамои он баррасӣ хоҳанд шуд.
ДАР АКС: Эмомалӣ Собирзода
Акси маркази матбуоти Вазорати мудофиаи ҶТ
Тоҷикистон ва Амрико ҳамкориро дар самти таҳдидҳои замони муосир тақвият медиҳанд
Котиби Шурои амнияти Ҷумҳурии Тоҷикистон бо Сафири Британияи Кабир мулоқот намуд
ИСТИҚЛОЛИЯТИ ДАВЛАТӢ — ПОЙДЕВОРИ АРТИШИ МИЛЛӢ. Ба ифтихори 34-солагии Истиқлолияти давлатии Ҷумҳурии Тоҷикистон
Эмомалӣ Раҳмон: «Имрӯз хизмат дар сафи Гвардияи миллӣ боиси ифтихори ҳар ҷавони ватандӯсту ватанпарвар мебошад»
Нигоҳе ба 30 соли Гвардияи миллӣ дар роҳи ҳифз ва таҳкими истиқлоли давлатӣ
Имсол ба фаъолияти Гвардияи миллии Ҷумҳурии Тоҷикистон 30 сол пур шуд
Дар Вазорати корҳои дохилӣ бахшида ба 34-солагии Истиқлоли давлатӣ ҳамоиши идона доир гардид
Беш аз 300 таълимгирандаи Донишкадаи ҳарбӣ савганди садоқат ба Ватан ёд намуд
Дар Тоҷикистон назорат барои таваққуфи нодуруст дар ҷойҳои манъшуда пурқувват карда шуд
Дар Душанбе Маркази зиддимухаддиротии Созмони ҳамкории Шанхай таъсис меёбад
Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
