ФУТБОЛ: дастаи «Истиқлол» бори ҳаштум соҳиби Суперҷоми Тоҷикистон-2019 гардид

Март 30, 2019 07:00

ДУШАНБЕ, 30.03.2019. /АМИТ «Ховар»/. Шоми дирӯз дар Варзишгоҳи марказии шаҳри Душанбе бозии ниҳоии Суперҷоми Тоҷикистон-2019 байни дастаҳои футболи  «Истиқлол»-и Душанбе ва «Хуҷанд»-и Хуҷанд баргузор шуд.

Тавре мухбири АМИТ «Ховар» Меҳрони Қурбон хабар медиҳад, дар ин вохӯрии ҷолиб  дастаи  футболи «Истиқлол»-и Душанбе бо ҳисоби 3:0 бар дастаи «Хуҷанд»-и Хуҷанд пирӯз шуда, соҳиби Суперҷоми Тоҷикистон-2019 гардиданд.

Бояд зикр кард, ки  дар дақиқаи 38-уми бозӣ футболбозони меҳмон қоидаи дидорро вайрон намуданд ва довар ба дарвозаашон зарбаи ҷаримавии 11-метра таъйин кард. Голро легионери  дастаи «Истиқлол»  Руслан Корян бе хато ба ҳадаф расонида, дастаашро ба пеш баровард. Қисми аввали вохӯрӣ бо ҳамин ҳисоб, яъне 1:0 ба  нафъи дастаи  «Истиқлол» хотима ёфт.

Дар оғози пайти дуюми дидор боз Руслан Корян голи дуюмро ба ҳадаф расонида, шумораи голҳои дастаашро дучанд кард. Дар ин бозӣ нуқтаи ниҳоиро Шаҳром Самиев гузошт. Ҳамин тариқ бозии Суперҷоми Тоҷикистон-2019 бо ҳисоби 3:0 ба нафъи дастаи  «Истиқлол» хотима ёфт. Акнун дастаи футболи  «Истиқлол» маротибаи ҳаштум ҷоми мазкурро боли сар бардошт. Дастаи «Хуҷанд» маротибаи сеюм аз ҷоизаи мазкур маҳрум мешавад. Хотиррасон мекунем, ки соли гузашта низ  дастаи футболи  «Истиқлол»-и Душанбе  ҷоми мазкурро соҳиб гардида буд.

Ҳамаи бозиҳои Суперҷоми Тоҷикистон (2010-2019):

2010 – «Вахш» (Қӯрғонтеппа) – «Истиқлол» (Душанбе) – 0:2

2011 – «Истиқлол» (Душанбе) – «Регар-ТадАЗ» (Турсунзода) – 1:0

2012 – «Истиқлол» (Душанбе) – «Регар-ТадАЗ» (Турсунзода) – 2:1

2013 – «Равшан» (Кӯлоб) – «Регар-ТадАЗ» (Турсунзода) – 2:1

2014 – «Равшан» (Кӯлоб) – «Истиқлол» (Душанбе) – 0:5

2015 – «Истиқлол» (Душанбе) – «Хайр» (Ваҳдат) – 2:2. Аз зарбаҳои пеналти – 4:3

2016 – «Истиқлол» (Душанбе) – «Хуҷанд» (Хуҷанд) – 3:2

2017 – «Истиқлол» (Душанбе) – «Ҳосилот» (Фархор) –1:2

2018 – «Истиқлол» (Душанбе) – «Хуҷанд» (Хуҷанд) – 3:2

2019 – «Истиқлол» (Душанбе) – «Хуҷанд» (Хуҷанд) – 3:0

Март 30, 2019 07:00

Хабарҳои дигари ин бахш

Моҳи сентябр дар Тоҷикистон Фестивали бозиҳои миллии варзишӣ баргузор мешавад
Марҳилаи интихобии Ҷоми футзали Осиё-2026 дар Душанбе баргузор мешавад
Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд