«Мактаби шуҷоат»-и Академияи ВКД ҷавононро ба хизмати бошараф ба Ватан даъват менамояд
ДУШАНБЕ, 04.03.2019. /АМИТ «Ховар»/. Бо ибтикори Вазорати корҳои дохилӣ дар Академияи ВКД ҶТ дарси омӯзишии «Мактаби шуҷоат» ташкил шудааст, ки зимни он роҳбарияти мақомоти корҳои дохилӣ бо шунавандагону курсантон ва донишҷӯёни фаъоли дигар донишгоҳҳои мамлакат суҳбату мулоқоти судманд доир менамоянд. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
«Воқеан ба қадру қимати неъмати бебаҳо- тинҷию амонии кишвар мебояд расид ва ҷиҳати пойдории он аз ҳар нафар нангу номус ва ҳисси баланди хештаншиносиву меҳанпарастӣ талаб карда мешавад. Маҳз тинҷию амонист, ки имрӯз мардуми тоҷик дар тамоми самтҳо ба пешравиҳои назаррас ноил гардида, пойтахти ҷумҳурӣ-шаҳри Душанбе ба шаҳри гулҳо табдил ёфтааст»,-зикр намуд сардори Раёсати ВКД дар шаҳри Душанбе Шариф Назарзода зимни иштирок дар дарси омӯзишии «Мактаби шуҷоат» дар Академияи ВКД Ҷумҳурии Тоҷикистон.
Дар мулоқот сардори мақомоти милитсияи пойтахт иброз дошт, ки бо ғамхориҳои ҳамешагии роҳбарияти давлату ҳукумат сол то сол ҷавонону наврасон ҷиҳати таҳсили илм бо шароити хуб таъмин гардида истодаанд. Ин бешубҳа, аз сулҳу субот ва Истиқлолияти давлатии Ҷумҳурии Тоҷикистон манша мегирад.
Шариф Назарзода зимни гузаронидани дарси омӯзишии «Мактаби шуҷоат» ба ҷавонон иброз дошт, ки «тинҷию амонии Ватан-осудагии модарон аст. Он нафаре, ки ба Ватан хиёнат мекунад, ӯ ба модараш хиёнат кардааст, зеро модар ӯро бо умеди зиёд барои хизмат ба Ватану сарзамин ба воя мерасонад».
Дар ҷараёни дарс мавсуф курсантону шунавандагони Академия ва дигар ҷавононро ба хештаншиносиву меҳанпарастӣ ва пос доштани арзишҳои миллию фарҳангӣ даъват намуд. Ӯ иброз дошт, ки дар айёми ҷавонӣ бештар ба омӯзишу таҳсил машғул шуда, вақти пурқимати худро сарфи амалу кирдорҳои беҳуда накунанд ва дар тарбияи ҳуқуқии ҳамсолони худ кумак расонанд.
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд
ИМРӮЗ — РӮЗИ ҚӮШУНҲОИ ДОХИЛИИ ТОҶИКИСТОН. Хизматчиёни ин сохтори низомӣ дар таъмини суботу оромӣ саҳми назаррас доранд
