ВКД ХАБАР МЕДИҲАД: танҳо як сокини кишвар ба ширкати «Барқи тоҷик» 45 ҳазор сомонӣ зарар расонидааст
ДУШАНБЕ, 30.03.2019./АМИТ «Ховар»/. Як соҳибкори Тоҷикистон дар муддати қариб 19 сол барои истифодаи коргоҳҳояш барқ дуздида, ба давлат беш аз 45 ҳазор сомонӣ зарари моддӣ расонидааст. Дар ин бора хабарнигори АМИТ «Ховар» бо истинод ба Вазорати корҳои дихилии Ҷумҳурии Тоҷикистон иттилоъ медиҳад.
Тавре ВКД хабар додааст, зимни доир намудани чорабиниҳои оперативӣ-ҷустуҷӯӣ аз ҷониби кормандони милитсия сокини 53-солаи ҷамоати деҳоти Панҷрӯди ноҳияи Ҳамадонӣ бо гумони расонидани зарари моддӣ бо роҳи фиреб ё сӯистифодаи боварӣ дастгир карда шуд.
Номбурда, аз соли 2000-ум дар хонаи истиқоматиаш ғайриқонунӣ як осиёбӣ ордгардонӣ, як осиёби ҷуворимакка, як сехи истеҳсоли хишти сементӣ ва як сехи пахтатозакуниро муҷаҳҳаз гардонида, берун аз ҳисобкунакҳо қувваи барқро истифода бурдааст.
Дар натиҷа, тибқи санади Раёсати назорати давлатии энергетикии минтақаи Кӯлоб, таҳти №78 аз 15 марти соли 2019, номбурда ба давлат ба маблағи 45 ҳазору 596 сомонӣ зарари моддӣ расонидааст.
Нисбати марди гумонбар бо моддаи 253 қ-1 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.
Ин дар ҳолест, ки рӯзи гузашта ширкати саҳомии холдингии кушодаи «Барқи тоҷик» ба истифодабарандагони қувваи барқ расман муроҷиат ва таъкид намуд, ки «барқ ҳам монанди ангишт, ҳезум, газ ва дигар маводи сӯхт маҳсулот аст, арзишу қимат дорад. Аз ин рӯ, ҳангоми аз он истифода бурдан бояд маблағи он ҳатман пардохт гардад. Ин барои бо барқ таъмин будани мо ва такроран истеҳсол намудани он хеле зарур аст. Тамоми зимистон бо барқ таъмин будан истифодаи дигар намудҳои сўзишвориро маҳдуд намудааст, вале дар як вақт муштариён бобати пардохти ҳаққи барқ масъулияти ҷиддӣ зоҳир намесозанд. Ин аст, ки то имрӯз қарзи аҳолии кишвар аз барқ ба як миллиард сомонӣ наздик шудааст. Дар ин ҳолат таъмини пурра ва муназзам мамлакат бо барқ хеле душвор ва то дараҷае ғайриимкон мегардад».
Хабарнигори АМИТ «Ховар» дар шарҳи ин муроҷиат чунин навишт:
«БАРҚ ҲАМ МАҲСУЛОТ АСТ ВА НАПАРДОХТАНИ МАБЛАҒИ ОН ДУЗДИСТ ВА ҲАР ГУНА ДУЗДӢ ҶИНОЯТ МАҲСУБ МЕШАВАД».
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
