ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: дар вилояти Хатлон 3 марказ ва 9 бунгоҳи саломатии деҳот ба истифода дода шуданд

Апрель 20, 2019 12:33

ДУШАНБЕ, 20.04.2019 /АМИТ «Ховар»/.  Бо мақсади боз ҳам  обод кардани Тоҷикистон, ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаи    тандурустӣ  ва   ба талаботи муосир мутобиқ сохтани сатҳи хизматрасонию баланд бардоштани некӯаҳволии мардум дар ҳар як деҳа ва маҳалли аҳолинишин  аз ҷониби Пешвои миллат, Президенти Ҷумҳурии Тоҷикистон  солҳои 2019-2021 Солҳои рушди деҳот, сайёҳӣ ва ҳунарҳои мардумӣ эълон гардиданд.  

Дар назар аст, ки давоми се соли минбаъда дар ҳар як деҳа ва маҳалли аҳолинишин бунгоҳҳои тиббӣ, коргоҳҳои дӯзандагӣ, майдончаҳои варзишӣ, қасри фарҳанг, ҳаммом, сартарошхона,  кошонаи ҳусн, пулҳо ва боғҳои фарҳангию фароғатӣ бунёд карда шаванд.

Тавре ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, давоми се моҳи соли равон  дар қаламрави вилояти Хатлон 3 марказ ва 9  бунгоҳи саломатии деҳот ба истифода дода шуданд. Дар айни замон дар вилоят сохтмони  11 бунгоҳи саломатии дигар идома дорад.

Тибқи иттилои манбаъ,  ин марказҳо дар ноҳияҳои Ёвон, Ҷ. Балхӣ ва Хуросон бунёд шудаанд. То ин муддат бунгоҳҳои саломатии «Заркамар», «Истиқлол», «Навзамин», «Ҷавонӣ», «Баҳористон» ва Маркази саломатии деҳоти Лоҳутӣ  ва Ҷамоати деҳоти  Холевард  ба истифода дода шудаанд.

Қобили зикр аст, ки имрӯзҳо дар қаламрави вилояти Хатлон 28  маркази саломатии ноҳиявӣ ва шаҳрӣ, 364 маркази саломатии деҳот ва 706 бунгоҳи саломатӣ фаъолият менамоянд.  Корҳои ободонию созандагӣ дар вилоят ба шарафи ин ҷашни миллӣ ҳамоно босуръат идома доранд.

Бояд зикр намуд, ки ҳадаф аз бунёди коргоҳҳои дӯзандагӣ, майдончаҳои варзишӣ, қасрҳои фарҳанг, бунгоҳҳои тиббӣ, ҳаммом, сартарошхона, кошонаи ҳусн, пулҳо ва боғҳои фарҳангию фароғатӣ дар деҳот- ин наздик сохтани симои деҳот ба шаҳр, баланд бардоштани сатҳи маданияти деҳотиён дар муносибату рафтор, гуфтор, илму ҳунар, забономӯзӣ, эҳтиром нисбат ба моликияти худ ва давлат мебошад. Зеро дар бархе мавридҳо мо шоҳиди он мегардем, ки боғу гулгашт ва таҷҳизоти барои дилхушии кӯдакон бунёдшуда аз тарафи баъзе шахсон поймолу шикаста мешаванд.

Аз ин рӯ дар баробари бунёди ин гуна иншоот ба ҳифзу эҳтиёт кардани онҳо низ бояд диққат диҳем, то меҳнату маблағҳои зиёди сарфшуда барҳадар нараванд.

Апрель 20, 2019 12:33

Хабарҳои дигари ин бахш

Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд